amalinks wokungena

Izakhamizi zeHarare Ziyala Uhlelo Lwe Medical Aid

  • Chris Gande

Harare Town Council

Harare Town Council

Loluhlelo luzaphathisa izakhamizi ezingamalunga ukuba zithole usizo ezibhedlela zekhansili lapho zehlelwe ludubo kwezempilakahle nxa zihlawula amadola amathathu ngenyanga.

Inhlanganiso yezakhamizi, eye Combined Harare Residents’ Association isisole umanisipala wedolobho leHarare ngokufuna ukusungula uhlelo lokutholisa izakhamizi usizo lokwelatshwa, iMedical Aid Scheme, ngoba izakhamizi zingabuzwanga imbono yazo.

Loluhlelo lukhangelelwe ukuphathisa izakhamizi ezingamalunga ukuba zithole usizo ezibhedlela zekhansili lapho zehlelwe ludubo kwezempilakahle nxa zihlawula amadola amathathu ngenyanga.

Umgcinisihlalo wekhomidi yezempilakahle, uMnu. Charles Nyatsuro utshele iphephandaba le The Herald ukuba amalunga aloluhlelo ayabe elalo ilungelo lokuyadinga uncedo kwezinye izibhedlela ezingasizo zikamanisipala nxa zehlulekile.

Kodwa unobhala jikelele wenhlanganiso ye Combined Harare Residents’ Association, uNkosikazi Beatrice Ngwenya utshele uChris Gande weStudio Seven ukuthi nxa umanisipala engabuzisinga izakhamizi kabasoze bamukele loluhlelo.
XS
SM
MD
LG