amalinks wokungena

IZBC Yethula Inhlelo Ezisakaza Ngendimi Ezitshiyeneyo


Bekugcwele abantu ngesikhathi kusungulwa inhlelo ezintsha zomsakazo weZBC.

Umsakazo weZimbabwe Broadcasting Corporation (ZBC) usuqale ukusakaza inhlelo lendaba ngendimi eziyisifica munwe munye phakathi kwezilitshumi lasithupha ezikusisekelo sombuso emizameni yokufinyelela wonke umuntu kwele Zimbabwe.

Umsakazo lo wenza lokhu lobanje abantu abahlala endaweni ezikumigcele yelizwe lokhe bengafinyeleli inhlelo zakumabonakude lemisakazo ngenxa yokuguga kwemitshina esabalalisa amagagase – ama transmitter.

Bekugiywa kuhlatshelelwa emagcekeni omsakazo weZBC eMontrose Studios koBulawayo lapho uhlelo lokusakaza ggesiXhosa isiNdau okuqale ngeNsonto ngendaba zangemva kwemini enkulu lapho abalaleli besiXhoseni bebegiya bejabulela ukuzwa ulimi lwabo kumabonakude.

Imbongi labakade bagida ezomdabuko kusungulwa inhlelo zeZimbabwe Broadcasting Corporation ezimbalwa ezisakaza ngendimi ezitshiyeneyo.
Imbongi labakade bagida ezomdabuko kusungulwa inhlelo zeZimbabwe Broadcasting Corporation ezimbalwa ezisakaza ngendimi ezitshiyeneyo.

Ohlaziya ngezamasiko lembali njalo engumlobi omkhulu, uMnu. Phathisa Nyathi, utshayele ihlombe iZBC esithi bavele baphuza ukukwenza lokhu ngabe bakuqala ilizwe lithatha uzibuse.

Uthe indimi azisetshenziswe ngokulinganayo okuboniswe ngabesiXhosa lapho bebukela ulimi lwabo lusethulwa indaba.

Induna enkulu uNyangazonke uthe linyathelo elibukekayo elithethwe ngumsakazo weZBC lobanje uhulumende elokhe elomango omude ukuthi kusakazwe ngendimi ezinengi elizweni.

Eyinye njalo induna, uDumisani Ndondo, laye uthe bayajabula ngaloluhlelo kodwa ukuphuza kokusakazwa kwenhlelo ezehlukeneyo ngolimi lwabo kubabulele kakhulu ngoba kubabisele emuva.

Kulabanye njalo abaveze ubugabaza babo kusungulwa inhlelo lezi.
Kulabanye njalo abaveze ubugabaza babo kusungulwa inhlelo lezi.

UNkosikazi Sibonakele Lunga, osuka eGwanda esabelweni seMatabeleland South obesemkhosini lo, ugcizelele esithi uyajabula kakhulu ngalokhu okwenziwe yiZBC.

Umsakazo weZBC uphakathi kwemizamo yokwelula amagagasi kodwa uhlelo lwakhona luhamba okomnenke.

Zilutshwana indimi ezisetshenziswa ngumsakazi weZBC.

Facebook Forum

XS
SM
MD
LG