amalinks wokungena

IZimbabwe Izama Ukunceda Abantu Makhaza Abahlala eSouth Africa

  • Mavis Gama

Abagcina umgcele badinda amaphepha eziphepheli zeZimbabwe ezihlala eSouth Africa.

Abagcina umgcele badinda amaphepha eziphepheli zeZimbabwe ezihlala eSouth Africa.

Uhulumende uyakuvuma ukuba izizalwane zeZimbabwe zihlangana lezehlakalo ezesabekayo ngesikhathi ziphindiselwa ekhaya nxa zingatholakala zingelangwalo ezifunakalayo ikakhulu kwele South Africa leBotswana.

Kungalesi sizatho uhulumende esithi ukhangelele ukulobelana isivumelwano lohulumende weSouth Africa ese Memorundum Of Understanding (MOU), ekuqaliseni komnyaka ozayo.

Uhulumende weZimbabwe uthi lokhu kungenza ukuthi izizalwane zeZimbabwe ezinengi zihlale njalo zisebenze ngemfanelo eSouth Africa.

Osaphethe uhlangothi lwezokukhulumisana lamanye amazwe, uMnu. Langton Ngorima, uveze lokhu emkhosini wokugqiba uhlelo lweminyaka emibili, obeluqhutshwa ngabenhlanganiso yeInternational Organisation for Migration (IOM ), lokutholisa usizo kulabo abayabe bexotshiwe kwamanye amazwe ngenxa yokungabi lengwalo ezidingakalayo.

UNgorima uthi labo akade betholakala bekulesisimo, bahlangane lobunzima ngoba kungekho ababengakwenza njengoba bayabe bebuyiselwe ekhaya bengela lutho.

Lokhu yikho okwazala ukusungulwa kwendawo zokwamukela abantu, ezama “ Reception Centres ”, ngaphansi kwaloluhelo, kusetshenziswa imali yosizo ayavela kuhulumende we Sweden lwezigidi ezintathu zamadola - $3million.

UNgorima uthi lokhu kuza ngemva kokubonisana okubekhona phakathi kwamazwe womabili ngesikhathi emhlanganweni wezokuthengiselana owe Zimbabwe-South Africa Bi-National Commission kunsukwana ezisanda kwedlula lapho eleZimbabwe elethule khona lumbono wamukelwa.

Abenhlanganiso ephathisana lozulu lapho ebhekane lenkinga, ekwamanye amazwe ye IOM - Zimbabwe, balamukele ngenjabulo lelinyathelo eselithathwa ngamazwe amabili la.

Ophethe uhlangothi lokuqhutshwa kwenhlelo kiyo ku IOM Zimbabwe, uMnu. Rangarirai Tigere, uthi kuhle ukuthi ele Zimbabwe liyabona ukuthi izizalwane zalo zithwele nzima.

AbeSweden bona bathi bezoqhubekela phambili betholisa usizo kuzulu weZimbabwe lanxa bebhekane lenkinga yokunakekela abangena kulelo lizwe bevelela eSyria.

XS
SM
MD
LG