amalinks wokungena

IZimbabwe Izatholani Kubudlelwano beAfrica Lamazwe Ama Arab?

  • Gibbs Dube

Presidents Mugabe loMongameli Gnassingbe.

UMongameli Robert Mugabe uthi kumele ilizwe leZimbabwe lamanye kuzwekazi leAfrica aqinise ubudlelwano lawe Middle East anjenge Iran, Kuwait, Saudi Arabia lamanye ambalwa ukuze lithuthuke ngemfanelo. UMugabe wethule umbiko lo edolobheni leMalabo kwele Equatorial Guinea emhlanganweni weAfrica-Arab Summit ophele izolo ntambama.

Ubulembu be website yeAfrican Union bubika ukuthi uMugabe ukhulume etshengisa ukudana okumangalisayo ngokungathuthuki kwamazwe wonke la esithi kwenziwa yikuthi kawadonsi ndawonye.

Uthe sesifikile isikhathi sokusebenza ndawonye ukwenzela ukuthi balwisane lamazwe entshonalanga azama ukuthatha okutshiyeneyo kwamazwe eAfrica leMiddle East.

Umhlangano weAfrica-Arab Summitt uthethe isinqumo sokuthi kumele kuqedwe ubuyanga emazweni asathuthukayo njalo kulungiswe udlakela olwenziwa ngamalwecatsha lokunye okufanayo. Kambe eleZimbabwe litholani phakathi kobudlelwano lobu?

Ukuze sihlaziye udaba lolu, iStudio 7 ixoxe loDr. Nkululeko Sibanda, ingcwethi kwezombusazwe esekolitshini lemfundo ephezulu eHuddersfield University eBhilithane.

“Udubo olukhona yikuthi eleZimbabwe alilakho elikuthengisayo okungadingwa ngamazwe lawa uMugabe awafaka phambili awe Middle East esithi mhlawumbe ubudlelwano beZimbabwe lamazwe la bungabe bulempumela enhle kwele Zimbabwe njalo amazwe lawa ngaphandle kwamafutha awe oil akukho okunye angathengisela ele Zimbabwe.”

Ugcizelele esithi okungaphuma kubudlelwano lobu yikuthengiselana izikhali zokuncindezela uzulu hatshi lokho okungabe kukhangelelwe nguzulu okunjengokuthuthukisa umnotho wabo.

XS
SM
MD
LG