amalinks wokungena

Sezibhodabhoda Izimota Zamapholisa koBulawayo Ezithwele Intuthu Ehitshayo


Imota ezithwele amanzi ahitshayo ezibonakale eCity Hall koBulawayo ngoLwesine.

Imota ezithwele amanzi ahitshayo ezibonakale eCity Hall koBulawayo ngoLwesine.

Izimota ezithwala intuthu ehitshayo lamapholisa atshaya abatshengiselayo bezibhodabhoda edolobheni lakoBulawayo kulandela imbiko ethi uzulu kade efuna ukutshengisela ezitaladini ekhonona ngokuzama kwebhanga elikhulu lelizwe ele Reserve Bank of Zimbabwe ukuzama ukwethula uhlelo lwama bond notes.

Esikhulume labo besendaweni ezitshiyeneyo koBulawayo, abagoqela uMnu. Clement Moyo olwela ilungelo likazulu, bathe bezisethusa izimota lezi njengoba zifana lalezo ezagijimisa abantu ababetshengisela ezitaladini ngenyanga kaNtulikazi loNcwabakazi bekhonona ngesimo esibi somnotho weZimbabwe kanye lombuso kaMongameli Robert Mugabe abathi ngowocuku.

UMoyo uthe izimota lezi bezitshengisa ukuthi amapholisa kawasoze avumele abantu abatshengisela ezitaladini.

“Amaloli abekhona sibili namhla. Bekugcwele lawana amaloli athwala amanzi. Kubekulama Puma, ama trucks lawana amade ngemuva, avulekileyo sibili … kugcwele amapholisa phakathi. Bekuyisiphithiphithi eDrill Hall khonapha.

“Uzulu kakaqalisi ukutshengisela. Bekuthule edolobheni sibili. Ukutshengisela kuzoqala kusasa. Umlayezelo ufikile sibili ngoba ukuzama ukuthi abantu bakhulume ngakho bebekhuluma ngakho, kodwa besingakaboni ukulungisela kwakhona.”

UMoyo uthe imbiko yokutshengisela kade ibuya ngobunengi kumakhalekhukhwini. “Izinto lezi zibuya emafonini (kucingo), lemihlanganweni eyenziwa ngabantu.”

Abatshengisela bengaphansi kwenhlanganiso ebizwa ngokuthi #ThisFlag ekhokhelwa nguMnu. Evan Mawarire leTajamuka Sesijikile Campaign batshaywa okumangalisayo ngamapholisa ngesikhathi betshengisela ezitaladini emadolobheni anjenge Harare lakoBulawayo.

XS
SM
MD
LG