amalinks wokungena

Breaking News

Kambe Lungenqatshelwa Njani Udlakela Kukhetho Oluzayo?


Udlakela oluqhamuke phakathi kwamalunga eZanu PF koBulawayo ngeSonto lukhumbuze abanengi ngodlakela oluvame ukuba khona nxa ilizwe libhekane lokhetho.

Lanxa udlakela lolu lungabanga lunengi kukhetho luka2013, ukhetho luka2008 lwaba lodlame olunengi kwafa abantu njalo abanye batshiselwa imizi.

Umbuzo omkhulu ngothi: Kambe kuyini okungenziwa ukwenqabela udlakela lolu kukhetho lomnyaka ozayo?

“Into eqakathekileyo yikuthi abantu bafundiswe okuhlonipha imbono yomunye umuntu. Ayisiyonto enhle ukuthi abantu baxabane,” kutsho ilunga leZanu PF uMnu. Effort Nkomo.

Amazwi la asekelwe ngumsekeli wesikhulumeli sebandla leMDC-T, uNkosazana Thabitha Khumalo, yena othe amalunga eZanu PF yiwo aqala udlakela esikhathini esinengi.

“Into emele yenziwe okwakuqala yikuthi amalunga eZanu PF ekhankase ngokuthi abantu bengaze batshayane,” kutsho uMaKhumalo.

“Sikhuluma nje silelunga lethu leMDC, omunye umama otshiselwe umuzi ngabasekeli beZanu PF eMberengwa. Sebeqalisile abantu beZanu PF ukutshisa imizi lokutshaya abantu.”

please wait

No media source currently available

0:00 0:04:36 0:00
XS
SM
MD
LG