amalinks wokungena

Breaking News

Kambe Ukwakhiwa Kwe Mall yeGodini Kuzaqala Nini?


Egodini
Egodini

Abaphila ngokuthengisa ezitaladeni koBulawayo lapho okuzakwakhiwa khona izitolo, imall, eGodini, sebebuyele endaweni le kulandela imbiko ethi ukwakhiwa kwe mall sokumisiwe njalo.

IStudio 7 kayenelisanga ukukhuluma lenkampani eyathola itender yokwakha imall le, iTeracota kumbe umanisipala ngoba ibilomhlangano.

Ukwakhiwa kwe mall le kwakumele kuqale ngomnyaka odluleyo kodwa lokhu kufuqelwa phambili.

Ikhona imbiko ebulenjini be Internet ethi ukwakha sekuzaqala kunyanga ezayo. Kodwa unobhala jikelele wenhlanganiso yezakhamizi, eyeBulawayo Progressive Residents’ Association, uMnu. Ambrose Sibindi, utshele iStudio 7 ukuthi ukwakhiwa kwemall le akusaziwa ukuthi kuzaqala nini.

"Thina ngapha koBulawayo abantu sesihlanganisa amakhanda ngodaba lwe mall ngoba ngale emuva bekuthembisa ukuthi ngo January kuzaqalisa kwalandela kwathiwa February khathesi akuselamuntu okhuluma ngakho kuthule," kutsho uSibindi.

Wengezelele esithi abantu kabasazi ukuthi kuhamba njani lanxa uhulumende wayethe udaba lwe tender lulungisiswe.

USibindi uthi abantu bayazithengisela impahla yabo endaweni lapho okumele kwakhiwe hona imall.

"Ungananzelela kakhulu ebulenjini lapha esithi yi social media kulembiko eminengi etshiyeneyo kodwa akulamuntu oleqinisio ukuthi kuhamba njani. Abantu abaselaqiniso lokuthi kwenzakalani," kutsho uSibindi.

please wait

No media source currently available

0:00 0:03:28 0:00
Lapho esitholakala khona

XS
SM
MD
LG