amalinks wokungena

Breaking News

Kasuthiseke Ngokuba Ngumkamongameli Unkosikazi Grace Mugabe


Unkosikazi Grace Mugabe
Unkosikazi Grace Mugabe

Imbono yabanengi abeZimbabwe abaseBotswana ngoNkosikazi Grace Mugabe ikhomba ukuthi akalaso isithunzi sokuba asondele esikhundleni sokuba ngomongameli welizwe bekhuthaza ukuthi aqinise imisebenzi yokunakekela, ukuphathisa kanye lokuthuthukisa impilo yabasefazane.

Ngesikhathi eqinisa imikhankaso etshengisa ukuthi ufisa ukulubhekisa esikhundleni sikamongameli, imbono ebantwini abaseBotswana ikhomba ukuthi kumele akhangele eminye imsebenzi ngaphandle kukahulumende.

Umnunzana James Ndlovu yena owayenza izifundo eziphezulu kwezomnotho, uthi unkosikazi Mugabe uyasilela ulwazi lokufunda esikolo lasempilweni okufana lezomnotho kanye lezombuzaswe ukuthi anikezwe uvoti lokuba ngumongameli. Uthi noma nje ezama ukuthuthikisa impilo zabo mama, akwenelanga ngoba kumele ebanikeze izifundo zempilo ezingabenza benelise ukuzimela bodwa hatshi ukufunzwa.

Umnumzana Anele Muleya uthi iZimbabwe isesimeni sokuthi ayifuni umuntu ongela mbali yobukhokheli. Uthi ihofisi kamongameli libholoho elikhatshana kunkosikazi Mugabe ngoba esilela kokunengi okungadingakala kumongameli ongaguqul isimo seZimbabwe.

UMuleya yena ulahlele khatshana umbono wokuthi unkosikazi Mugabe ungaba lesibanga ekuthuthikiseni iZimbabwe ephakathi kuhulumende.

Isifiso sikaMuleya yikubona unkosikazi Mugabe eqhubeka ngemizamo yakho yokunceda abaswelayo kanye lokuthuthukisa omama ngenhlelo ezile mpilo ende. Uthi isikhundla sakhe sokuba likhosikazi lakuqala lesizwe kuyenele njalo kumbeka esihlalweni esihle sokuthi aqhubeke ngemisebenzi yokupha hatshi eyepolitiki.

UNkosazana Thembi Mbedzi yena uthi leli lithuba elihle lokuthi umongameli Robert Mugabe atshedele emuva ayekele umuntu omutsha agijimise isikhundla sokuba ngumongameli. Uthi iZimbabwe ikhangelele ukuqala phansi ngakho ibizo likankosikazi Mugabe ayisilo okumele libe kwezombusazwe.

Imbono ibe iqinile kibo bonke abakhulume leStudio 7 ukuthi uNkosikazi Mugabe angasondeli ewofisini kamongameli, kodwa aqhubeke eqinisa ezamabhizimusi kanye leminye imsebenzi ekhangelelwe kumama wesizwe.

Kuphume mgceke ukuthi noma uNkosikazi Mugabe engene ngesivuvu kwezombusazwe inengi libona indawo yakhe ingaphandle kwezepolitiki.

Udaba olukhangela ngempilo kaNkosikazi Grace Mugabe ihlandla lesithathu
please wait

No media source currently available

0:00 0:03:47 0:00
Lapho esitholakala khona

XS
SM
MD
LG