amalinks wokungena

Inhlanganiso Ezizimeleyo Zibanga Imali Zisehluleka Ukutshengisela Na?

  • Chris Gande

UMnu. Gift Siziba

Ukutshengisela obekukhangelelwe ukwenziwa ngeviki ephelileyo zinhlanganiso ezimbalwa ezabasakhulayo ngoLwesine akusaphumelelanga.

Eyinye inkokheli yabontanga laba egoqela uMnu. Patson Dzamara umfowabo ka Itayi Dzamara owathunjwayo, yathunjwa yatshaywa kabuhlungu.

Lanxa izizatho zokungaphumeleli kokutshengisela zingacacanga, sokulembiko ethi kungaba kwakubangwa imali engafika kunkulungwane ezingamakhulu - i$100,000.

Kodwa uMnu. Gift Siziba, owenhlanganiso ye Tajamuka-Sesijikile Campaign, ulandule imbiko le.

USiziba uthe, "Okwakuqala ngithanda ukubonga uzulu ngokusisekela isikhathi sonke kodwa ngizathanda ukubana kwazakale umhlaba wonke jikelele ukuba akulamali okuthiwa yaphiwa abantu ababetshengisela."

Inhlanganiso ezinengi zikhonona ngombuso kaMongameli Robert Mugabe, uhlelo lwama bond notes lokubhidlika komnotho ezithi kwenziwa ngumbuso ongaqedakaliyo owebandla elibusayo eleZanu PF.

Kodwa ibandla leli lithi umnotho welizwe ubhilizwa yizijeziso zenotho ezafakelwa uMugabe labanye bakhe ngamazwe empumalanga.

XS
SM
MD
LG