amalinks wokungena

Breaking News

Wephuke Inyawo Zonke Njalo Udinga i$8,000 Ukuze Elatshwe


Ubeyinkwali ephandela abantwa bayo besidla besutha.

Kodwa lokhu kuguquke ngendlela embi mhlaka 15 ngoMpalakazi lapho uMnu Thamani Ncube atshayiswe khona ngemota ehamba ngomdududu wephuka inyawo zonke lesandla.

Kusukela lapho uNcube kasenelisi ukukhusela imuli yakhe ngoba esengumuntu ohlezi nje phansi ophakanyiswayo.

Lanxa amathambo enyawo ebesehlangana ngemva kwe-operation, uthe esiyahlolwa kumalanga edluleyo kodokotela bathola ukuthi amathambo la kahlangananga kuhle.

Ngakho sokumele asikwe abanjaniswe kakutsha. Konke lokhu kudinga imali uNcube athi kalayo.

“Odokotela bafuna imali esuka ku$4,000 isiya ku$5,000,” kutsho uNcube ecela uncedo emphakathini.

“Uzulu ongathanda ukungiphathisa engangithola kunombolo ezithi +263779232669 kumbe ku-email ethi thamanincube@yahoo.com.

UNcube wake waba ngukhansila wakoMadlambudzi.

Ngesizatho sokuthi kasenelisi ukusebenza, uMnu Ncube uthi sephelelwe yizifuyo ethengisa ezama ukuthola imali yokuphilisa imuli yakhe kanye leyokwelatshwa.

please wait

No media source currently available

0:00 0:02:36 0:00
Lapho esitholakala khona
XS
SM
MD
LG