amalinks wokungena

Kubhubha Abantu Abahlanu Engozini Yomgwaqo weMutare

  • Ntungamili Nkomo

Bus Accident

Kubhubhe abantu abahlanu kwalimala abalitshumi lasithupha ngoLwesithathu engozini yebhasi ebivela koBulawayo isiya eMutare.

Ibhasi le ngeyenkampani yeInter Africa.

Umsakazo weZimbabwe Broadcasting Corporation ubike ukuthi ibhasi le iphume emgwaqweni yayatshayelela esihlahleni.

Uthi abantu abasinde engozini le bafakaze ukuthi umtshayeli ubehamba ewozela endleleni njalo ubegijima ngesiqubu esikhulu.

Amapholisa athi lokhu kungaba yikho okubangele lingozi.

Ilunga ledale lephalamende, uMnu Prince Dubeko Sibanda, uthe ulusizi kakhulu ngengozi le.

“Silusizi kakhulu ngoba eZimbabwe sokukhanya angani ingozi zomgwaqo zibulala abantu ukwedlula imikhuhlane efana ngitsho lecancer ngokwayo,” kutsho uMnu Sibanda.

Ensukwini ezedluleyo kube lenye njalo ingozi ebulalise abantu abangamatshumi amabili emgwaqweni osuka eHarare usiya eBeitbridge.

Facebook Forum

XS
SM
MD
LG