Abantu abafika phose itshumi lanhlanu bafile ngolweSibili ekuseni ngemva kokuba imotha yohlobo lwekhombi abe kade beyigadile ingqikilene lenye imota enkulu ngezikhathi zehola lesitshiyagalombili kumgwaqo uSimon Mazorodze ngesikhathi abantu belubhekise emsebenzini.
Ababone kusenzakala bathi umtshayeli wekhombi ubegijima ngesiqubu esikhulu kakhulu sikhathi sinye ezama ukwedlula ezinye izimota elubhekise enzikini yedolobho leHarare wasenqikilana lemota ethwala inyama ebiphuma edolobheni ilubhekise emizini yabanengi.
