amalinks wokungena

Kukhethwa I-Zimbabwe National Boxing Control Board Entsha.

  • Sithandekile Mhlanga

Umnu. Coltart ukhethe, uPaul Nenjarama, uLorraine Muringi, uEdgar Peter Jack Hammond, kanye loDokotela Frederick Farai Muchena

Umphathintambo wezemfundo uMnu. David Coltart ngoLwesine wazie ngamabizo ababumba iboard entsha yokuqondisa umdlalo wenqindi, ebilindelwe ngamehlo abomvu, ngenjongo yokuthuthukisa umdlalo wenqindi elizweni, eye Zimbabwe National Boxing Control Board.

Umgcinisihlalo weBoard le, ezasebenza okweminyaka emithathu ezayo nguMnu. Paul Nenjarama, owayesazakala ngokumemezela umdlalo wenqindi emisakazweni.

Amalunga ali board ngabavele bephatheke kulumdlalo abagoqela uNkosikazi Lorraine Muringi, uMnu. Edgar Peter Jack Hammond, kanye loDokotela Frederick Farai Muchena.

Embikweni awethule ngolweSine, uMnu. Coltart uthi usebenze lenhlanganiso ye Sports and Recreation Commission lezinye ingcwethi zalumdlalo ukukhetha li board, ekhangelelwe ukuthuthukisa umdlalo wenqindi elizweni, iphume labadlali abalohlonzi.

Kusenjalo, iqembu lenguqu ele Ghana linqobe ele Mali nge one kazero ngoLwesine enkundleni ye Nelson Mandela Bay Stadium e Port Elizabeth kwele South Africa, emidlalweni yomcintiswano weAfrica Cup of Nations esaqhubeka kulelolizwe.

USithandekile Mhlanga weStudio 7 uxoxe lomlandeli walimidlalo uAbel Khumalo, osichasisela ukuthi umdlalo lo uqhutshwe njani.

XS
SM
MD
LG