amalinks wokungena

Breaking News

Bekuyiziphithiphithi eHarare Kulwisana Amapholisa Labamabandla Aphikisayo


Udlakela oluqhamuke ekulwisaneni kwamapholisa labakade befuna ukutshengisela abamabandla omanyano weNERA
Udlakela oluqhamuke ekulwisaneni kwamapholisa labakade befuna ukutshengisela abamabandla omanyano weNERA

Kuqhamuke udlakela olwesabekayo eHarare ngoLwesihlanu phakathi kwamapholisa labamabandla aphikisayo abangene ezitaladeni betshengisela phezu kombuso weZanu PF.

Abamabandla aphikisayo bomanyano weNERA
Abamabandla aphikisayo bomanyano weNERA

Abamabandla aphikisayo aphansi komanyano weNational Electoral Reforms Agenda (NERA) bahlaselwe ngamapholisa ababhaxabula lanxa bebephiwe imvumo yokutshengisela lidale leHigh Court.

Umahlululi waleli dale uJustice Hlekani Mwayera uvumele ukutshengisela lokhu, obekwalelwe ngamapholisa, esithi wonke umuntu uvunyelwe ukutshengisela ngokuthula phansi kwesisekelo sombuso.

Lanxa kunjalo, amapholisa ahlasele amalunga amabandla la, agoqela aweMDC-T, aweZimbabwe People First lamanye, ababhaxabula kabuhlungu njalo abathela ngamanzi ababayo lokubajikela intuthu ehitshayo.

Kulapho ke abatshengiselayo laba abaqale ukuphindisela kwatshaywana kwaba luthuli phakathi edolobheni kwabhidlizwa impahla engena kunkulungwa zamadola.

Osomabhizimusi abanengi bacine bevala izitolo lamabhizimusi abo. AbeNERA laba bathi bafuna uhulumende aguqule indlela aqhuba ngayo ukhetho njalo akhethe amalunga eZimbabwe Electoral Commission amatsha.

Kulimale abantu abangaba ngamatshumi amahlanu, kudlakela olubangele njalo ukubotshwa kwabanye abagoqela isikhulumeli somkhankaso we Tajamuka/Sesijikile, uMnu. Promise Mkhwananzi kanye lomgcinisihlalo wenhlanganiso ye National Vendors Union Zimbabwe, uMnu. Stan Zvorwadza, besetheswa umlandu wokutshotshozela udlakela.

please wait

No media source currently available

0:00 0:02:47 0:00
Lapho esitholakala khona
XS
SM
MD
LG