amalinks wokungena

Breaking News

Ingcwethi Zikhuthaza Indlela Yokuxubanisa Izilimo Lezithelo


Umumbu
Umumbu

Abalimi besifazane baseLower Gweru bathi ukulima ngendlela yokuhlanganisa izilimo ikakhulu zidibaniswa lezithelo kungaphathisa ukuhlenga uzulu ebuyangeni. Lokhu kuphume emhlanganweni wokufundisa abalimi indlela zokuthuthukisa umsebenzi wokulima njengebhizimusi owenzelwe kushowa yezokilima yalonyaka eye Harare Agricultural Show lamhlanje.

Unkosikazi Olister Simango olima eko Sogwala eDufuya uthi noma beke baphazimiswa yikungani kuhle kwezulu nyakenye uzinikele ukuphumelela nanku eselima izilimo ezinjengamabele ezingadingi izulu elinengi.

Ekhuthaza abalimi ikakhulu abangomama ukuba bakhangele ukulima njengomsebenzi omele uqakathekiswe ngoba ulakho ukuphathisa ukuthuthukisa umuntu lemhuli yakhe.

Unkosikazi Chipo Murashiki olima ese Lower Gwelo uthi sebephume lecebo lokuhlanganisa izilimo lezithelo bamangala kakhulu ukubona inzuzo abayitholayo kuzithelo osokuphathisa abalimi besifazane.

Inzuzo etholakala ekuhlanganiseni izilimo lezithelo ibikwa isedlula etholakala ekulimeni amatonne lamatonne omumbu wodwa, ngakhoke uMurashiki ukhuthaza abantu bakuzame ukuhlanganise izilimo:

Ele Zimbabwe elibhekane lokungani kuhle kwezulu okubi nyakenye selibhekana lendlala ezabelweni phose zonke zelizwe osokubangela ukuba lithenge umumbu kwamanye amazwe ngenhloso yokutholisa uzulu ukudla esethathela phezulu njalo icebo lokulima ngokuthiwa yi Command Agriculture ukuze ukudla kungaphindi kusilele njalo elizweni.

please wait

No media source currently available

0:00 0:02:01 0:00
Lapho esitholakala khona

XS
SM
MD
LG