amalinks wokungena

Breaking News

Kuvulwa Indawo Yokwelapha Umkhuhlane Wemvukuzane


UDr. David Parirenyatwa lezinye iziphathamandla zikahulumende.
UDr. David Parirenyatwa lezinye iziphathamandla zikahulumende.

Abezempilakahle bathi lokhe liqansa inani labahlaselwa yimikhuhlane yemvukuzane, kubangelwa yindlela uzulu asephila ngayo okubalisa ukunatha utshwala okwedlulise amalawulo.

Lokhu kuphume emkhosini wokuphawula okusemthethweni indawo yakuqala elizweni, ezasebenza izimele eHarare eye Oncocare Zimbabwe Centre.

Indawo le izasiza abantu abalemihlobo yemvukuzane eyehlukeneyo nxa uzulu ezohlolwa njalo kuqhutshwa imisebenzi yenhlolisiso kanye lokutholiswa imfundiso ngomkhuhlane lo.

UMnu. Feltoe ngomunye walabo abathola uncedo endaweni le.
UMnu. Feltoe ngomunye walabo abathola uncedo endaweni le.

Abezempilakahle bathi lesi simo sengezwa yikuphuza ukuyadinga usizo lokwelatshwa ngoba kusuke kube nzima ukwelapha imvukuzane nxa isikusimo esibi okufana lalokho okuthiwa yi-stage 4.

Obengumhlonitshwa kulomkhosi, umphathintambo wezempilakahle, uDr. David Parirenyatwa, uthe ukunatha yiloba yiphi imihlobo yotshwala okudlulise amalawulo kuyingozi ngoba kusengeza amathuba wokuhlaselwa yimvukuzane.

Eyinye yezingcwethi kwezokwelatshwa kwemvukuzane osebenza endaweni le, uDr. Annie Ndlovu Hlongwane, uthe lobesintu utshwala labo buyingozi kumipilakahle yabantu.

Omunye walabo abakade bezofakaza ngokutholiswa uncedo kuleyondawo, uNkosikazi Thandiwe Jambaya, uthe wancedakala kakhulu aze athole uncedo olufunakalayo.

Abe Oncocare Zimbabwe, bathi bayemukela yonke imihlobo yama medical aid, elizweni. Bathembisa ukuba kuzodingwa indlela zokusiza abayanga lapho bethe bazadinga usizo kibo, ukuzakwelatshwa.

Udaba Esilethulwe NguMavis Gama
please wait

No media source currently available

0:00 0:04:33 0:00

XS
SM
MD
LG