Ukutshengisela abantu bekhonona ngendaba ezehlukeneyo eZimbabwe ezigoqela isimo somnotho lesombusazwe esingamanga kahle, ukungemukeli imali yama bond notes lokunye okunenginengi sokuyinhlalayenza elizweni.
Abaqoqa lokhu kutshengisela injongo iyabingeyokwenza lokhu ngokuthula kodwa ngezikhathi ezinengi uzafica kusiba lodlakela abantu bacine bebhaxhabulwa ngamapholisa kumbe baphoselwe intuthu ehitshayo.
Kambe kuzaphetha ngani vele ukutshengisela lokhu?
Abenhlanganiso eye Women Institute for Leadership Development (WILD) sebeqalise ukukhulumisana lamakhansili esigabeni seMandebeleni agoqela eyakoBulawayo, eyeGwanda lezinye inhlangothi zempilo ngendaba ezithile ikakhulu eziphathelane lenhlupho ezibhekane labesifazana.
Kungaleso sizatho iStudio 7 ixoxe lomqondisi wenhlanganiso ye WILD uNkosazana Samukeliso Khumalo elengcwethi ecubungula ezombusazwe engowebandla leMovement for Democratic Change (MDC) ekhokhelwa nguMnu. Welshman Ncube, uMnu. Shepherd Dube.
Umqali siziba uDube uthi "Amaprotests la kwakumele aqale kudala abe so long overdue, akuzake kwenzakale anywhere in the world ukuthi umumo elizweni uwonakale kangaka njengeZimbabwe abantu bayekele ukwenza amaprotests, le it has always been a ticking time bomb ukuthi abantu bengatshegniseli kusukela ngo2008 iZanu PF iqila kukhetho"
UMaKhumalo uthi "Ngivumelana laye uDube ukuthi le ibiyi 'time bomb in waiting' kodwa thina njengenhlananiso ye WILD sesicabange ukuhlanganisa ukutshengisela lokhu loku 'engager' ama local authorities sibaletha ethebulini ngoba thina njengabesifazana singeke senelisa ukutshona sigijima sibone kungcono ukuba engager sikhulumisane.
"Kodwa sitsho ukuthi kabayekele ukutshengisela abatshengiselayo kabashengisele ngakwelinye icele kodwa ngakwelinye icele sizama ukukhulumisana."
