amalinks wokungena

Breaking News

Kwenziwa Ingxoxompikiswano Yokucina Phambilini Kokhetho LweMelika


Candidates Donald Trump and Hillary Clinton campaign the day after their second debate.
Candidates Donald Trump and Hillary Clinton campaign the day after their second debate.

Ukukhankasela ukhetho lokudinga umongameli wele Melika sokufike kuzinga eliphezulu.

UNkosikazi Hillary Clinton owebandla lama Democrats loMnu. Donald Trump owebandla lama Republicans bakhangelelwe ukuthi bazangqikilana kungxoxo mpikisano eyokucina ngoLwesithathu eLas Vegas.

Sokwenziwe ingxoxompikiswano ezimbili le ngeyokucina phambilini kokhetho oluzenziwa ngenyanga ezayo.

Ekhuluma kulungiselelwa ingxoxo mpikiswano le, uTrump uthe: "UNkosikazi Clinton kamelanga abuse ilizwe leli ngoba vele kethembeki."

UTrump utsho lokhu esithi uClinton waqamba amanga phambi kwedale le Senate lapho ebuzwa ngencwadi ze email.

UNkosikazi Clinton uya kulingxoxo mpikisano ekhanya elamathuba okunqoba angcono kulo Trump olendubo ezinengi ezibalisa amacala awetheswa ngabesifazane abathi wababambabamba okungahloniphekanga.

Kuthi loNkosikazi Clinton laye ulendubo zakhe ezadalwa zincwadi zama email ezatholwa ngudlu eziveza imbono yebandla lakhe emizameni ekhuthaza ubudlwangudlwangu lokunye okumfaka esimeni esibi.

Ukuhlaziya loludaba sixoxe loMnu. Tamurai Gwekwere isizalwane seZimbabwe esihlala ngapha kweleMelika othe, "UMnu. Trump kalamathuba okungqoba kukhetho lolu ngoba ukhanya engazi ukuthi uzalungisisa njani umnotho welizwe lokunye okunenginengi."

XS
SM
MD
LG