amalinks wokungena

Breaking News

Kwenziwa Umbukiso Wamabhizimusi Acathulayo Lathuthukayo eHarare


Osomabhizimusi bakhala ngesimo somnotho esibi eZimbabwe lapho okulombukiso wamabhizimusi athuthukayo.
Osomabhizimusi bakhala ngesimo somnotho esibi eZimbabwe lapho okulombukiso wamabhizimusi athuthukayo.

Umbukiso wezamabhizimisi asacathulayo lasehlubile owe International Small-to-Medium Enterprises Expo 2016 usungulwe ngoLwesithathu eHarare amabhizimusi la etshengisa imisebenzi yawo lempahla abayilungisayo.

Lumbukiso oqoqwe lugatsha lokuthuthukiswa kwamabhizimusi amancane laphakathi laphakathi ovulwe okusemthethweni eHarare international Conference Centre ungenwe ngabasebenza bezimele, amabhizimusi amancane laphakathi laphakathi, amakolitshi lamabhanga.

UNkosazana Clara Ndlovu, osebenzela ibhizimusi le African Papermakers, uthe balungisa amaluba besebenzisa amaphepha ake asetshenziswa i-recycled paper ngesilungu.

Banengi abalamabhizimusi asathuthukayo abasembukisweni lo.
Banengi abalamabhizimusi asathuthukayo abasembukisweni lo.

UMnu. Martin Kwaramba owenhlanganiso ye National Handicrafts Centre uthe basebenzelana lamabhizimusi anje labantu makhaza bevela kuzabelo zonke zelizwe.
UNkosikazi Tariro Charakupa, oweluka incebethu, olungisa amacici lezibuko uthe njengamabhizimusi asakhulayo ubona umumo udanisa kakhulu nxa kuqathaniswa lakudala.

UMnu. Kwaramba uthi inhlanganiso yakhe iyaphathisa kuloludaba lapha lalaphaya.
Uhulumende wasungula ugatsha lwamabhizimusi amancene laphakathi laphakathi ngomnyaka ka 2000 waphinda wasungula inkampani ephathisa amabhizimusi anje ngezikwelede iSEDCO ngenhloso yokuwathuthukisa ukuba aphathise ekudaleni imisebenzi eZimbabwe.

Udaba Esilwethulelwe NguMavis Gama
please wait

No media source currently available

0:00 0:03:42 0:00
Lapho esitholakala khona

XS
SM
MD
LG