amalinks wokungena

Kwenziwa Umhlangano Wokulungisa Inkinga Ezibhekwe yiZimbabwe

  • Mavis Gama

Inhlanganiso yeNational Convergence Platform (NCP) ngoLwesihlanu eHarare iphawule uhlelo lokuphathisa uzulu weZimbabwe kunhlangothi zonke zempilo ukuze ayenelise ukukhulumisana ngokuqeda inkinga eziselizweni.

Emkhosini wokuphawula loluhlelo, eRoyal Harare Golf Club, umgcinisihlalo wayo, owayengumfundisi wenkonzo yeAnglican kuDiocese ye Harare, uDr. Sabastian Bakare, uthi bakubone kufanele bacande indlela uzulu angakhulumisana ngayo sikhathi sonke.

Umsekeli kamgcinisihlalo, owake waba ngumphathintambo wezemithetho kuhulumende womanyano, uAdvocate Eric Matinenga, uthi leli lithuba elihle lokuba uzulu afunde ukuphatheka kunhlelo zokulungisisa inkinga eziselizweni.

Abaze emhlanganweni lo babalisa inkokheli yezifundi emfundweni yaphezulu eye Zimbabwe National Students Union (ZINASU), okubalisa uNkosazana Caroline Zvironzo, ongunobhala kuhlangothi lwabesifazane E ZINASU oqhuba izifundo zePolitical Science ekolitshini leUniversity of Zimbabwe.

Inkokheli emhlanganweni weNCP ithe eyinye yenjongo yabo yikusiza ukuqeda ukwesaba kuzulu ukwenzela ukuthi azwisise ukuba kungani kumele aphatheke kunhlelo ezihlose ukuthuthukisa isizwe ngoba sesedlula isikhathi sokumane abukele nje ekhangelele ukuba kube labenza lokho.

Umhlangano lo ungenwe ngabamabandla abalisa ele Renewal Democrats of Zimbabwe lele People’s Democratic Party labavele emawofisini abammeli bamazwe athi ele Nigeria, Malawi le Australia.

XS
SM
MD
LG