amalinks wokungena

Kwethulwa Ugwalo Lokuthengisa Impahla Etshiyeneyo eZimbabwe

  • Mavis Gama

Abathenga bethengisa impahla benze umhlangano ngoLwesihlanu.

Abenhlanganiso emela abaphila ngokuthengisa, eye Vendors Initiative for Social and Economic Transformation (VISET), ngoLwesihlanu baphawula okusemthethweni ugwalo olumumethe okufiswa ngabaphila ngokuthengisa ukuba kungeniswe kuziqondiso lemithetho ebona ngaloluhlangothi eZimbabwe.

Lumhlangano ungenwe ngabaphila ngokuthengisa bevela kumagumbi amane elizwe, ukuzabonisana phezu kwalolugwalo, ngemva kokuba abe VISET, bebhode bedinga imibono kazulu.

Iziphathamandla ze VISET, batshele umhlangano lo, owenzelwe e Jameson Hotel, eHarare, inengi kungabesifazane, ukuba lolugwalo, luqondiswe kuziphathamandla zabomanisipala lohulumende, ukuze kulungisiswe iziqondiso lemithetho, okuhambelana lesimo esiselizweni.

Isizatho kuyikuba isilinganiso esedlula amatshimi ayisitshiyagalolunye ekhulwini-90 % sabantu elizweni sebephila ngokuthengisa, befuqwa yisimo kwezomnotho elizweni lemisebenzi engekhoyo.

UNkosikazi Duduzile Ndlovu, omunye wabaphila ngokuthengisa esebenzela endaweni yako Chigovanyika, eChitungwiza, uthe ugwalo lolu kumele lubancede ukuthengisa impahla yabo.

Eyinye yengcwethi kwezomnotho, umnumzana Masimba Kuchera, uyalincoma inyathelo elithethwe ngabe VISET.

Ukuphuza kukahulumende, ukuguqula imithetho leziqondiso, ezilawula umsebenzi kuloluhlangothi ethi ngokunye okwengezelela izikhubeko.

Ngemva kokubonisana leziphathamandla ezigoqela ezivele emahofisini kamanisipala, umgcinisihlalo we khomidhi yedale lephalamende, ebona ngezabaphila ngokuthengisa, kube lenkhuthao yokuba kumele kuqoqwe umhlangano wokubuthanisa inhlangothi zonke zempilo ezikulumsebenzi wokubonisana ngokungenziwa kuyiwa phambili.

Facebook Forum

XS
SM
MD
LG