amalinks wokungena

Lanxa Eke Wabotshwa, Uthi Uzaqhubeka Esola Umbuso kaMugabe

  • Ntungamili Nkomo

Obotshwe ngoMgqibelo eGwanda etshengisela esola umbuso kaMongameli Mugabe uMnu Kukhanyakwenkosi Mnkandla uthi uMugabe sokumele esuke embusweni ngoba esebulele ilizwe.

UMnkandla ubotshwe etshengisela emgwaqweni eyedwa ethwele ibhakane ebelilombiko othi uMugabe sokumele esuke embusweni ukuze kulungisiswe zonke inkinga uzulu abhekane lazo.

Uze wakhululwa ngelanga linye phakathi kobusuku ngemva kokungenela kwamagqwetha alwela amalungelo oluntu aweZimbabwe Lawyers for Human Rights kungelacala alethesiweyo.

“UMugabe sebulele ilizwe, ngakho sokumele ahambe,” kutsho uMnkandla. “Ukubotshwa kwami lokhu akungethusi, kungipha isibindi sokuqhubeka ngisola umbuso weZanu PF.”

XS
SM
MD
LG