Umphathintambo wezabelo, uMnu. Savior Kasukuwere, usemise umsebenzi umsekeli kaMayor wedolobho lakoBulawayo, uMnu. Gift Banda, lamakhansila amahlanu, bonke bengabebandla le MDC-T, ebethesa icala lokungethembeki.
UKasukuwere yena ngokwakhe laye wetheswa icala lokungethembeki kulandela ukuthengisa izitanda zokwakha okuthiwa zathengiselwa abantu abambalwa ababalisa uMfundisi Walter Magaya.
Abanye abamiswe umsebenzi bablisa oMnu. Charles Moyo, Mzana Dube, Rueben Matengu lo James Sithole. Embikweni awuthumele ikhansili yako Bulawayo uKasukuwere uthe amakhansila la asebuthethelele izitanda kulokuthi enze umsbenzi wokuphathisa uzulu.
UKasukuwere ubikwa wathumela iqula ukuthi lihlolisise ukungethembeki edolobheni lako Bulawayo kwatholakala ukuthi uBanda wayelomhlabathi eAscot Racecourse lapho ayakha khona izindlu zama town house.
UBanda ubikwa watshela leliqula ukuthi wathenga lumhlabathi okusemthethweni.
NgoLwesibili uBanda uthe kafuni ukukhuluma ngaloludaba ngoba lugcwele ezombusazwe.
Kodwa umsekeli wesikhulumeli sebandla leMDC-T, uNkosazana Thabitha Khumalo, utshele iStudio 7 ukuthi uKasukuwere kamelanga abe nguye omisa abantu ngokungethembeki ngoba izandla zakhe zingcolile.
"Njegebandla leMDC thina udaba lwe corruption asifuni lakuluzwa. Wonke umuntu osebandleni uyakwazi khonokho. Nxa kuyikuthi bekule corruption ngilethemba ukuthi ibandla lizathatha inyathelo," kutsho uNkosazana Khumalo.
Wengezelele esithi ulethemba lokuthi kayisilodaba lwe corruption nxa kuyikuthi uKasukuwere uhlukuluza amalunga kuzamele ajeziswe ngoba laye kumele abotshelwe udaba lwe corruption.
