amalinks wokungena

Kambe Umongameli Mugabe Uthandwa Ngabantu Abanengi Kakhulu Na?

  • Chris Gande

FILE - UMongameli Robert Mugabe.

Abantu abayisilinganiso esedlula amatshumi ayisithupha ekhulwini, 64 precent, bayamthemba uMongameli Robert Mugabe, kutsho inhlanganiso ye Afrobarometer.

Linhlanganiso yenza ucwaningo olwethulwa okusemthethweni ngoLwesithathu. Impumela yalolucwaningo itshengisa ukuba ingxenye yabantu elizweni, 50 percent, ithi iyathemba umsebenzi wogatsha lwezokhetho, iZimbabwe Electoral Commission.

Inhlanganiso ye Afrocbarometer itshengisa ukuba kulabantu abayisilinganiso sabangamatshumi amathathu lanye ekhulwini, 34 percent, abathi kabathembi amabandla aphikisayo.

Sixoxe lengcwethi ecubungula ezombusazwe, uMnu. Dumisani Nkomo, ukuze sizwe imbono yakhe ngaloludaba.

"IZanu PF ilamalunga ahlala eyisekela lanxa kuyabe kungela msebenzi elizweni ... bayabe bezamvotela," kutsho uNkomo.

Siphinde saxoxa loMnu. Rejoice Ngwenya, eyinye njalo ingcwethi ecubungula ezombusazwe, othi kunzima ukwamukela impumela yocwaningo lolu ngoba uzulu uyesaba ukukhuluma ngaloludaba.

"Impumela yakhona vele isihlala injalo," kutsho uNgwenya. "Nxa ubuza umuntu ukuthi uyavotela uMugabe kumbe uTsvangirai umuntu vele uzakuthi uMugabe."

Facebook Forum

XS
SM
MD
LG