amalinks wokungena

Mupfumira: Uhulumende Ulakho Ukukhuphula Imali Yempentsheni

  • Ntungamili Nkomo

Parliament of Zimbabwe

Umphathintambo wendaba zezisebenzi zikahulumende, uNkosikazi Priscah Mupfumira, uthi uhulumende ulakho ukwengeza imali ephiwa abantu asebatshiya umsebenzi, eyempentsheni.

UNkosikazi Mupfumira wethule amazwe la edale lephalamende ngoLwesibili.

Uveze njalo ukuthi iminyaka umuntu amele aye kumpentsheni ngayo ilakho ukwehliswa.

Abantu abanengi asebathatha impentsheni bathola okuyimadlana okungatsho lutho ngenyanga okungafika amadola angamatshumi amabili kuphela.

Imali le ayeneli lutho, njalo esikhathini esinengi abakumpentsheni laba bayayekela yelekane okwenyanga ezithile bayilande isithe xaxa.

Kodwa udubo kulezinsuku yikuthi sokulokusilela kwemali emabhanga; ngakho ukuyithola limali akulula.

Ummeli weBinga North edale lephalamende, uMnu. Prince Dubeko Sibanda, utshele iStudio 7 ukuthi kungaba linyathelo elihle kakhulu alubana uhulumende ethe wenelisa ukuyikhweza impentsheni.

Facebook Forum

XS
SM
MD
LG