Inhlanganiso yamazwe ebona ngokuthuthuka komnotho emhlabeni jikelele iUnited Nnations Conference on Trade and Development ithi inengi labosomabhizimusi abasungula amabhizimusi kwele Zimbabwe basebenzisa omakhalekhukhwini okwamagama nxa bedinga imali.
Inhlanganiso le esanda kwethula umbiko wayo womnyaka ka 2011 ithi inengi labosomabhizimusi laba basebenzisa omakhalekhukhwini ngendlela ezitshiyeneyo ekuphandeni imali.
Ithi abantu phose abayisilinganiso sokungatshumi ayisithupha ekhulwini basebenzisa omakhalekhukhwini eZimbabwe.
Inhlanganiso le iphinde yathi okutshaya uzulu inhliziyo yikuthi balutshwana abantu besifazane abasebenzisa omakhalekhukhwini emazweni athuthukayo nxa kuqathaniswa labesilisa.
Loba kunjalo, ithi omakhalekhukhwini bathuthukisa lamabhizimusi abasifazana emhlabeni wonke jikelele.
Ingcwethi kwezenotho uMnu. Rejoice Ngwenya uthi okusinda uzulu yikuthi amabhizimusi athengisa omakhalekhukhwini ayehluleka ukwenza inhlelo ezisuthisa umuntu wonke.
Osomabhizimusi Kwele Zimbabwe Basebenzisa Omakhalekhukhwini Okwamagama Ekuphandeni Imali
- Gibbs Dube
