Idale leSenate likhangelelwe ukuba lizaphatha udaba oluphanyekwe kuleyondawo ngele House of Representatives okulesicelo sebandla lama Republicans esokuthi kumiswe umsebenzi uMnu. Alejandro Mayorkas, ophethe uhlangothi lwendaba zekhaya, okuthiwa wekelela abokuza abangena santando emingceleni yeMelika.
Abakubandla lama Democrats abaphethe idale leSenate basadingisisa indlela yokuphatha ngayo udaba lolu. Okhokhela idale leli, uSenator Chuck Schumer, uthi bazaluphatha ngemfanelo udaba lolu olwe-impeachment.
UMayorkas ngowesibili owakhethwa ngumongameli kumbali yedale leCongress ukuba athoniswe icala esewofisini enkulu kahulumende. Sekuleminyaka elikhulu lamatshumi amahlanu – 150 selokhu kwenzakala okufanayo.
Ukuze sihlaziye udaba lolu, sixoxe loMnu. Den Moyo, odabuka eZimbabwe ohlala kwele Melika olandela ezombusazwe ezimele, othi okwenziwa libandla lama Republicans lidlala ngabantu ngesikhathi sokhetho.
Forum