amalinks wokungena

Breaking News

Seliphumile Iqembu Lenguqu eleChicken Inn Kumncintiswano weCAF


Iqembu lengugu eleChicken Inn lihle laphunyiswa yikudliwa kwalo ngele Mamelodi Sundowns lakwele South Africa
Iqembu lengugu eleChicken Inn lihle laphunyiswa yikudliwa kwalo ngele Mamelodi Sundowns lakwele South Africa

Sekusele iqembu lomdlalo wenguqu elilodwa elimele eleZimbabwe kumncintiswano wokudinga intshantshu zezwekazi le Africa ngemva kokunqotshwa kweqembu le Chicken Inn emidlalweni ye Caf Champions League kwathi ele Harare City laphumelela emidlalweni yeCaf Confederations Cup.

Iqembu le Chicken Inn liphelelwe ngumphako ngemva kokudliwa nge 2 ka nya ngele Mamelodi Sundowns ngoMgqibelo emdlalweni obusenkundleni ye Lucas Moripe esedolobheni le Pretoria.

Iqembu leMamelodi Sundowns lakwele South Africa
Iqembu leMamelodi Sundowns lakwele South Africa

Limpumela itsho ukuba iqembu le Sundowns linqobe nge 2 ka 1 nxa sekuhlanganiswa lempumela eyomdlalo wakuqala owadlalelwa kwele Zimbabwe lapho ele Chicken Inn elinqobe khona nge 1 ka nya.

Iqembu le Mamelodi Sundowns linqobe ngemva kokuphiwa umbekwa emaphethelweni omdlalo njalo kungenzakalanga lokho amaqembu lawa abezahlukaniswa yikutshaywa kwembekwa.

Isizalwane selizwe leZimbabwe esihlala elizweni le South Africa uZwelibanzi Nyathi utshayele ihlombe iqembu leChicken Inn ngendlela elidlale ngayo.

Iqembu lenguqu eleHarare City Football club.
Iqembu lenguqu eleHarare City Football club.

Iqembu le Harare City lona lenelise ukudlulela kusigaba esilandelayo esomncintiswano we Caf Champions League ngemva kokunqoba iqembu leAS Adema nge 3 ka 1 emdlalweni odlalelwe elizweni le Madagascar ngeSonto.

Limpumela itsho ukuba iqembu le Harare City linqobe nge 6-3 nxa sekuhlanganiswa lempumela eyomdlalo wakuqala odlalelwe kwele Zimbabwe kumaviki amabili edluleyo.

Iqembu lenguqu ele Highlanders FC
Iqembu lenguqu ele Highlanders FC

Kolunye udaba olumayelana lomdlalo wenguqu iqembu le Highlanders linqobe ele Gilport Lions elase Botswana nge 2 ka 1 emdlalweni obuyingxenye eyomkhosi wokuthakazelela ukufikisa kwaleliqembu iminyaka engamatshumi ayithoba munwe munye.

Esigodlweni iHarare iqembu le ZPC Kariba linqobe ele Dynamos nge 1 ka nya emdlalweni wenkezo ye ZNA Charities.

Limpumela itsho ukuba iqembu le ZPC selifinyelele kusigaba se semi - final kulumncintiswano.

Kumidlalo yesigaba se quarter – final ezadlalwa ngempelaviki ezayo iqembu le Harare City lizadlala lele Caps United, ele FC Platinum lizadlala lele How Mine kuthi ele Highlanders lizangqikilana lele Chicken Inn.

Iphuma kumcintiswano weCAF iChicken Inn
please wait

No media source currently available

0:00 0:02:00 0:00
Lapho esitholakala khona

XS
SM
MD
LG