amalinks wokungena

Izizalwane zeZimbabwe Zisebenzisa iPodcast Ukuhlaziya Ezombangazwe


UMnu. Onai Shoniwa

Imizamo eyenziwa nguhulumende ozama ukuvimbela inhlanganiso ezinjenge #ThisFlag, iTajamuka-Sesijikile Campaign lezinye ezifanayo, sokwenze ukuthi abanye abasakhulayo babumbe inkundla ebulenjini bokuzilibazisa ezikhuluma lozulu ngezombangawe.

Eyinye yalezinkundla yi-podcast okuthiwa Politics and Beyond ebunjwe ngeviki ephelileyo.

Inkundla le ibunjwe nguHenry Biti lo Christopher Charamba abasakaza besebenzisa ipodcast le.

Ukuze sizwe okunengi ngepodcast le, uMnu. Onai Shoniwa, umqondisi wenhlanganiso yekundla yebulenjini yokusakaza ebizwa ngokuthi yiCapital Two-Six-Free, kuqakathekile ukuthi kube lenkundla enjenge Politics and Beyond.

“IPolitics and Beyond ngumsakazo owaqalela ukuthi abantu abasakhulayo benelise ukuba lenkonzo bakhulumisane ngendaba ezokukhokhela ilizwe lethu.”

UShoniwa uthe umsakazo lo uzasiza abasakhulayo ngokubanikeza ulwazi ngendaba zombusazwe eZimbabwe.

“Sisaqakazela ukwenza izinto ze Capital Two-Six-Free. Istructure esifuna ukuthi ama podcast abe available, siza kompresa ama podcast angakhona ukuze abe available ku Whatsapp.”

UShoniwa uphinde watshela iStudio 7 ukuthi icebo likhona elizosiza abangela mali yokuthi bathenge idata ukuze bangene kumsakazo we Politics and Beyond.

Abafuna ukulalela umsakazo lo bangawuthola ku Soundcloud, ngaphansi kwebizo le Politics and Beyond, njalo abafuna ukungena kuloluhlelo kumele bakhulumisane labakhokheli bomsakazo lo uCharamba loba uBiti kuTwitter.

XS
SM
MD
LG