amalinks wokungena

Breaking News

UMnu. Donald Trump Uzagcotshwa Ukuba Ngumongameli weMelika Wesimatshumi Amane Lanhlanu


Umsekeli kaMongameli, uMnu. Mike Pence lonkosikazi wakhe u Karen bahlangabeza ozakuba nguMongameli, uMnu. Donald Trump loNkosikazi wakhe uMelania.
Umsekeli kaMongameli, uMnu. Mike Pence lonkosikazi wakhe u Karen bahlangabeza ozakuba nguMongameli, uMnu. Donald Trump loNkosikazi wakhe uMelania.

Usomabhizimusi, uMnu. Donald Trump uzagcotshwa ukuba ngumongameli weMelika Wesimatshumi Amane Lanhlanu namhla. UTrump uthi ilizwe leMelika lizemukela isimanga ngoLwesihlanu lapho egcotshwa.

UMnu. Trump uthembise ukumanyanisa ilizwe leMelika aphinde enze lelolizwe lithuthuke njalo.

Ngemva komkhosi owenzwe ngoLwesine duze lesithombe sowayengumongameli, uMnu. Trump utshele uzulu ukuba umhlaba wonke ubheke ilizwe leMelika.

Trump speaks at inaugural concert, says things are going to change
please wait

No media source currently available

0:00 0:01:04 0:00

Ebusuku bangoLwesine abatshengiselayo badibane lamapholisa phandle kwendawo yabonozindaba, iPress Club esiodlweni iWashington DC. Abatshengisselayo laba bebesithi kabamfuni uMnu. Trump ukuthi abenguMongameli.

Abanye abatshengiselayo baphosele amapholisa kwalumathiswa umlilo. Amapholisa athele abantu laba ngentuthu ehitshayo.

Edolobheni le New York, inkulungawane zabantu zibuthene egcekeni le Central Park duze lamahofisi kaTrump betshengisela labo besithi kabamfumi uTrump.

Ozaba yisikhulumeli sikaTrump esibona ngokwethulwa kwemibiko, uMnu. Sean Spicer, uthi uTrump usalolonga imbiko azayethula emkhosini wokugcotshwa kwakhe. Uthi imbiko le izatshengisa isimo sikaTrump lokuthi ufuna ukuthi ilizwe leMelika liqonde ngaphi kwelakusasa.

XS
SM
MD
LG