amalinks wokungena

UAndile Udingela Amantombazana Izigqoko Lemali Yezifundo


UNkosazana Andile Nobuhle Mpofu.

Isizalwane seZimbabwe esesihlala kwele Melika, uNkosazana Andile Nobuhle Mpofu, isiqamulamayezi esinqobe kumncitiswano wokuba yintombazana enhle ukwedlula waba nguMiss Africa Washington State ngomnyako odluleyo, usesungule uhlelo lokudingela amankazana impahla etshiyeneyo.

UMaMpofu. osebenzelana lenhlanganiso ye-Tariro House of Hope yase Zimbabwe, ubaphandela impahla ezinjenge zigqoko lokunye okufanayo.

Uhlelo lolu olungaphansi kwesihloko esithi “Undergarment and Toiletry Beneficiaries Drive”, lukhangelelwe njalo ukusiza abasakhulayo besifazana ngokubabadalela indleko yezifundo lezembatho zasensitha.

uhlelo oluphethwe nguNkosazana Andile Mpofu le Tariro House of Hope
uhlelo oluphethwe nguNkosazana Andile Mpofu le Tariro House of Hope

UMaMpofu uthi okwenza ukuthi abelesifiso sokwenza uhlelo lolu yikuthi njengenkazana uyakwazi ukuthi kunjani ukufika esikhathini ungelazembatho ezifaneleyo.

Uthi kuyamhlupha kakhulu ukuthi kulamantombazana amanengi akhangelane lodubo lolu kwele Zimbabwe.

“Ngikhangelele ukuthi mina labammeli beTariro House of Hope sizabambisana kuhlelo lolu, kodwa angikhangelanga ukuthi ngiza cina khona. Ngikhangelele ukuthi ngizabe ngibambisana lamankampani akundawo ezitsheyeno ukuze sizame ukuthintha amankazana akundawo enengi.”

UMaMpofu uphinde wathi ontanga abaphila phesheye lalabo abalamathuba aphakeme okuzenzela okutshiyeneyo bayacelwa ukuthi bancedise ekudingeni lokho okufunwa ngamantombazana aswelayo.

Facebook Forum

XS
SM
MD
LG