amalinks wokungena

Breaking News

Biti: Akubunjwe Umanyano weNational Transitional Authority


UMnu. Tendai Biti webandla le People's Democratic Party.
UMnu. Tendai Biti webandla le People's Democratic Party.

Umkhokheli webandla lePeople’s Democratic Party (PDP), uMnumzana Tendai Biti, uthi uhulumende womanyano waba lamaphutha ngenxa yokuba wabunjwa ngenjongo yokulungisisa inkinga yokuthi ngubani owanqoba kukhetho.

Ukubunjwa komanyano wamabandla ezombusazwe aphikisayo ngaphansi kwe National Transitional Authority (NTA) ekhankaselwa libandla lakhe, uBiti uthi kuzophathisa ukulungisisa inkinga zombusazwe lomnotho welizwe.

Ekuluma emhlanganweni lentathelizindaba owenzelwe emawofisini ebandla lakhe, uBiti uthe akula ngeyinye indlela ngaphandle kokubumba lumanyano ukwenzelaukuthi kulungisiswe inking zonke ezadalwe nguMongameli Robert Mugabe lebandla lakhe leZanu PF.

Umsekeli wakhe, uMnumzana Kucaca Phulu, uthe ukubunjwa kwe NTA kungakayiwa kukhetho kumqoka njengoba kulakho ukuthi kuvuselelwe lomnotho welizwe omanikiniki.

Uthe ukubunjwa kweNTA kuqakatheke kakhulu kulandela okuvezwe nguMnu. Patrick Chinamasa, umphathintambo wezemali, esethula uluhlu lwendleko kahulumende yomnyaka ka2017.

Abebandla lePDP bathi eleZimbabwe selivele selikusibanga sokuguquka nxa kukhangelwa okwenzakalayo, ukulwisana kwabakubandla elibusayo ele Zanu PF, isimo somnotho kanye lokuqonga kwenani labasakhulayo abangelakho okokwenza lanxa befundile.

Kungakho bathi lesi yiso isikhathi esilungileyo sokuthi kubunjwe umanyano weNTA.

XS
SM
MD
LG