WASHINGTON DC —
Esikhathini esinengi nxa kufiwe, kuba labantu abakhuluma ngembali yomufi bechaza ukuthi ubengumuntu onjani njalo ubephila labanye njani.
Yikho, ke esikwenzileyo ngowake waba ngumahluli omkhulu weZimbabwe, uMnu Godfrey Chidyausiku, yena obhubhele kwele South Africa ngoLwesithathu.
Lanxa amalunga ebandla leZanu PF esithi umufi wayewuqhuba kuhle umsebenzi, abamabandla aphikisayo bathi uChidyausiku wayephethe kubi ezemithetho njalo esekela ibandla leZanu PF okusegcekeni.
“Imisebenzi yomuntu iyamlandela. UChidyausiku ngumuntu owayephethe ezemithetho esekela ibandla leZanu PF okusobala,” kutsho owalwa impi yenkululeko, uMnu Max Mnkandla.
Amazwi kaMnkandla agcizelelwe ligqwetha elilwela amalungelo oluntu, uMnu Dumisani Dube.
