amalinks wokungena

Breaking News

UDonald Trump Ulakho Ukungemukeli Impumela Yokhetho eMelika


UMnu. Donald Trump loNkosikazi Hillary Clinton and
UMnu. Donald Trump loNkosikazi Hillary Clinton and

UMnu. Donald Trump, omele ibandla lama Republicans kukhetho lokudinga umongameli omutsha weMelika, wehluleke ukukubeka sobala ngoLwesithathu ukuthi uzakwamukela impumela yokhetho oluzakwenziwa ngoLwezi.

Ekhuluma kungxoxo mpikiswano ayenze loNkosikazi Hillary Clinton webandla lama Democrats yokudinga umongameli eyenziwe ekolitshini eleNevada University eLas Vegas, uTrump uthe uzamelela abone okuzaphuma kukhetho lolu loba nje engavezanga ukuthi uzakwenzani nxa engadliwa ngoncintisana laye.

uTrump uthe, "( I will tell you at the time) Ngizakhuluma singafika lesosikhathi … (I will keep you in suspense) Ngizakwenza ukuthi libe licabanga ngengizakwenza.”

UClinton uhle wameqela waphosa amagama ahlaba enyameni esithi kuyamangalisa ukuthi uTrump ukhuluma kanje ngokhetho lweMelika oluhlala lusenziwa ngendlela ebalulekileyo.

Uthe kuyayangisa lokhu okukhulunywa nguTrump okhulume kakhulu kungakenziwa ukhetho lolu esithi luyaphekwa ngasese.

Abantu abanengi abagoqela uProfessor Jonathan Moyo, umphathintambo wohlangothi lukahulumende olubona ngezemfundo ephezulu ukewathumeza umbiko ebulenjini beTwitter esithi kulokwesaba ukuthi ukhetho lokudinga umongameli omutsha weMelika luzaphekwa ngasese njalo kungaba lodlakela.

Uthe kumele inhlanganiso yamazwe omhlaba wonke jikelele eye United Nations ingenele kukhetho lolu.

XS
SM
MD
LG