Liviki kuhlelo Liphuma Lendaba Litshone Lendaba sixoxa lonobhala jikelele wenhlanganiso yezakhamizi eye Bulawayo Progressive Residents' Association, uMnu. Ambrose Sibindi ngodaba lwamanzi.
Kunsukwana ezisanda kwedlula umanisipala wedolobho lakoBulawayo ubhodabhode endaweni zonke zedolobho evalela izakhamizi ezilezikwelede zemithelo yamanzi.
Lokhu kutshiye abanengi sebephila ngokucela amanzi kubomakhelwanwe abayabe besinde kuloluhlelo.
USibindi uthi ngempela minengi imizi engaselawo amanzi sikhuluma nje.
"Kodwa engxenye ibackground encane eqakathekileyo yikuthi ikhansili ike yahamba ithathela abantu abalezikwelede impahla kodwa ke basebebebona ukuba nxa umuntu ethathelwe impahla kubanzima ukuthi abuye ayithole njalo. So basebebona ukuthi usathani ongcono yikuthi ikhansili iphume iyevalela abantu amanzi," kutsho uSibindi.
USibindi uthi lokhu kungakenzakali umanisipala wapha abantu ithuba lokucela ukulungiselela okuthiwa ngama payment plans. Kodwa uthi abanye bawenza amaplan la kodwa abanye bhluleka.
"Abantu eZimbabwe baphilanzima kathesi, umkhathi lawo ungananzelela umkhathi usiphikile okwalesisikathi akulazulu, uzananzelela abantu abanengi indlala ikhona, abanye baxotshwa umsebenzi sebengama vendors, baku informal sector," kutsho uSIbindi.
Uthi labasebenzayo abazi kwesinye isikhathi abazi ukuthi bazahola nini njalo ngabe inkosi iyangenele incedise abantu beZimbabwe.
"Kodwa ukhansili laye abesesithi lingakhohlwa ukuthi ngifisa ukuthi ngithole imali amanzi ngiwadonse ngidinge ama chemicals ukuthi bawakline. So nxa lingabhadali lani lizaphilanzima," kutsho uSibindi.
