Umsekeli womphathintambo wezemigodi uMnu. Gift Chimanikire uthi ugatsha lwezamafekithali lwaphambanisa ngokuthi inkampani ye Essar Africa Holdings ithathe konke okwenjiwa eNew Zimbabwe Minerals eyayisaziwa ngokuthi yi Buchwa Iron Mining Company.
Umnu. Chimanikire uthi uhulumende wathi elobelana isivumelwano le Essar sokuvuselela iZimbabwe Iron and Steel Company esisaziwa okwamanje ngokuthi yi New Zimbabwe Steel Limited, yanika inkampani le amandla amanengi kakhulu ngokwenjiwa eNew Zimbabwe Minerals.
Uthe uhulumende sekhulumisana lenkampani le ukwenzela ukuthi ilizwe libe lamandla adlula awe Essar kulokho okwenjiwayo eNew Zimbabwe Minerals.
Umnu. Chimanikire uphinde wathi loba ukukhulumisana kubisela muva amalungiselelo okuvuselela iNew Zimbabwe Steel, inkampani le isiqalisile ukwemba insimbi njalo ikhangelelwe ukuthi ilungise imbiza zokuzitshisa eRedcliff kunsukwana ezilandelayo.
Kasenelisanga ukuthola umphathintambo wezamafekithali uMnu. Welshman Ncube kanye labaqondisi be New Zimbabwe Steel Limited ukuthi bakhulume ngaloludaba.
Ingcwethi kwezenotho uMnu. Bekithemba Mhlanga uthe uhulumende kumele alimuke nxa ebhalelana izivumelwano ezinje lamankamani emazweni.
Uhulumende Seqalisile Ukukhulumisana le Essar Africa Holdings Ngokwabelana Okwenjiwa yiNew Zimbabwe Steel
- Gibbs Dube
