amalinks wokungena

Breaking News

Uhulumende Ukhupha 1-$40 Million Yokuvuselela Amafekithali KoBulawayo


Osomabhizimusi baqhube umhlangano labameli bezigodlo ze Tanzania, Nigeria, Democratic Republic of Congo, Angola, kanye le Botswana, njalo bavumelana ukuthi osomabhizimusi bakoBulawayo beqhelise amankampani abo kulamazwe.

Uhulumende usekhuphe izigidi ezingamatshumi amane zamadola i $40 million eyokuvuselela amafekithali ako Bulawayo njalo uthi uzabe ekhupha enye imali ngokuya kwesikhathi, kukanti labosomabhizimusi sebenxusiwe ukuthi balobe incwadi zokudinga imvumo yokwebolekwa ingxenye yalimali.

Umgcinisihlalo webandla le ZANU PF uMnu. Simon Khaya Moyo utshele iStudio 7 ukuthi inkokheli yebandla lakhe esigabeni seMatabeleland layo ikhankasela ukuthi uhulumende akhuphe enye imali yokuthuthukisa amafekithali.

UMnu. Bulisani Ncube, isiphathamandla se Zimbabwe National Chamber of Commerce uthi osomabhizimusi bakhuthaza uhulumende ukuthi akhuphe enye njalo imali ngoba kudingeka ama billion amadollar, ukuthi amafekithali avuselelwe.

UNcube utshele uSithandekile Mhlanga we Studio 7 ukuthi inhlanganiso yakhe iqoqe umhlangano labameli bezigodlo ze Tanzania, Nigeria, Democratic Republic of Congo, Angola, kanye le Botswana, ngolweSihlanu bavumelana ukuthi osomabhizimusi bakoBulawayo beqhelise amankampani abo kulamazwe.

XS
SM
MD
LG