Uhulumende namhla ubize umhlangano lezisebenzi zakhe ukuze azehlise umoya kulandela imbiko ethi iholo lazo lizadluliselwa phambili njengalokho okwenzakala ngenyanga edluleyo.
Imbiko egcwele ebulenjini be Internet okubalisa kuwhatsapp laku Facebook ithi izisebenzi zikahulumende zizaze zithole iholo lazo ngenyanga ezayo.
Lokhu kwenzakala uhulumende ebikwa efuna ukujezisa izisebenzi ezingayanga emsebenzini ngelanga lohlelo lwe stay away.
Umphathintambo wezezisebenzi, uNkosikazi Prisca Mupfumira ubikwa etshele izisebenzi emhlanganweni lo ukuthi ilanga leholo lizaziwa ngoLwesihlanu ngoba umphathintambo wezemali ubengekho elizweni.
Sixoxe lesikhulumeli senhlanganiso ye Progressive Teachers’ Union of Zimbabwe, uMnu. Enock Pradzayi laye obesemhlanganweni lo.