amalinks wokungena

Breaking News

Uhulumende Uzama Ukuvuselela Ezokulima eZimbabwe


FILE: Abalimi eZimbabwe bathwele nzima ngokulima okutshiyeneyo, Jan. 26, 2016.
FILE: Abalimi eZimbabwe bathwele nzima ngokulima okutshiyeneyo, Jan. 26, 2016.

Abalima ingqoloyi ngokuthelezela esigabeni seMatabeleland North sebeqalile umsebenzi ngesiqhubu esiphezulu njalo bakhangelele ukulima ingqoloyi emasimini angaba ngamahectare edlula amakhulu ayisithupha lenxenye-650hectares phansi kohlelo lukahulumende olwe Command Agriculture.

Emizameni yokuqeda kanye lokwenqabela indlala eZimbabwe, uhulumende useqale uhlelo lokuhlanyela izilimo ethelezela ukuze avuselele isiphala selizwe.

UMqondisi weAGRITEX eMatabeleland North, uMnunzana Dumisani Nyoni , uthe abalima ingqoloyi ngokuthelezela bakhangelelwe ukuthuthukisa lumsebenzi lonyaka.

UNyoni uthe inhlanyelo lemvundiso sekukhona kodwa akukeneli kusendleleni kuyeza. Ungezelele ethi abalimi bamaphulazi amancane lamakhulu bazaphatheka ekulimeni ingqoloyi lonyaka.

UMsekeli kamongameli uMnunzana Emmerson Mnangagwa uthi uhlelo lokulima igqoloyi ngezinye zenhlelo ezizaqhutshwa phansi kohlelo lweZimAsset ethi sebezaqala njalo uhlelo lwezifuyo ngakhoke abalimi babambe baqine.

Eminyakeni edluleyo abalima ngokuthelezela bebesedonda ukulima ingqoloyi ngenxa yobunzima obulethwa yikungani kuhle kwezulu, intengo yenhlanyelo lomvundiso engahambelani lemali yokuthengisa ingqoloyi isivuniwe, okubangele ukwehla okukhulu kwesilinganiso sengqoloyi evuniweyo.

IZimbabwe isiphila ngokuthenga ingqoloyi kwamanye amazwe ngoba ilizwe belibhekane lendlala ngenxa yokusilela kwezulu ingcwethi ezithi kubangelwa yikuguquka kwezomumo womkhathi.

XS
SM
MD
LG