Uhulumende wengezelele umthelo wokuthumelana amadola eMelika ngendlela zakulez'insuku, eze-electronic transfer, isuka kusilinganiso sokukodwa ekhulwini - 1% isiya kusilinganiso sokubili ekhulwini - 2%.
Lokhu kwaziswe ngumpathintambo wogatsha lwezemali, uMnu. Mthuli Ncube, esebenzisa umthetho weStatutory Instrument 80 eyomnyaka ka2024.
Umthelo wokuthumela imali yelizwe eyamazig ulokhu ukusilinganiso sokubili ekhulwini - 2%.
Osomabhizimusi sebelesikhathi bekhuthaza uhulumende ukuthi ehlise kumbe esule limithelo njengoba besithi yengezelela intengo yempahla.
Ezinye ingcwethi zithi ukwengezelela umthelo lo kuzakwenza ukuthi abanengi bengasebenzisi amabhanga bewubalekela.
Ingcwethi yezenotho uMnu Rejoice Ngwenya osebenza lenhlanganiso yeCommon Markets for Liberal Solutions utshele iStudio7 ukuthi akakhangelelanga ukuthi lokhu kuzaletha umahluko omkhulu kuntengo yempahla ngamadola eMelika.
Forum