amalinks wokungena

Breaking News

UJustice Malaba Uthi Kumele iZimbabwe Ilwisane Lokufumbathisana


Justice Luke Malaba outside the Bulawayo High Court on Monday.
Justice Luke Malaba outside the Bulawayo High Court on Monday.

UJustice Luke Malaba uthi kuqhakathekile ukuba izisebenzi zemthethwandaba labobonke abasebenza ezomthetho abagoqela amapholisa lamagqwetha balwisane lokufumbathisana okumemetheka okumangalisayo eZimbabwe.

Ekhuluma ekuvulweni kwedale laphezulu eleHigh Court KoBulawayo ngoMvulo, uChief Justice Malaba uthe kuqakathekile ukuba izisebenzi zeJudicial Services Commission zisebenzelane lohulumende ukulwisana lokungethembeki kwecorruption elizweni

Uthe ukungathembeki kuyaphambanisa impilo kazulu ikakhulu abayanga ekuthonisisweni kwamacala abo.

Udaba Esilethulelwe NguNompumelelo Moyo
please wait

No media source currently available

0:00 0:04:23 0:00
Lapho esitholakala khona

Ugcizelele esithi iJSC iphakathi kokusebenza lamapholisa kanye lewofisi yomtshutshisi omkhulu eZimbabwe ekuphumeni leziqondiso zokuqeda ukungathembeki.

Inengi lamagqwetha elizweni amukele ngenjabulo amazwi kaMalaba.

Omunye wabo ligqwetha uMnu. Kucaca Phulu, ongene kumcimbi wokuvulwa kwenkundla yeHigh Court ochaze kahle ukuba i-corruption kayifuneki.

Uthe amagqwetha azazama ukusebenza kahle lozulu.

Umqondisi wenhlanganiso yamagqwetha alwela ilungelo loluntu eye Abammeli Human Rights Lawyers Network, uMnumzana Tineyi Mukwewa, uthe uyajabula ngoba amandla ezabelo asekhona emadale.

UMukwewa ubonge kakhulu inhlanganiso yeDanida esithi njengamagqwetha bazazama ukusebenza kahle lozulu.

Ukuvulwa okusemthethweni kweHigh Court yakoBulawayo kuqale ngokufola kwamagqwetha kahulumende, labasebenza bezimele, omantshi, labanye abasebenza emadale bekhatshwe liqembu lomculo ele Zimbabwe Prison and Correctional Services.

Uzulu ophatheke ekuvulweni kwedale leHigh Court uveze injabulo esithi amazwi kaMalaba abanika ithemba kundaba zokusebenza kwamadale.

XS
SM
MD
LG