amalinks wokungena

UKasukuwere Umisa Njalo Amakhansila eGweru Umsebenzi

  • Ntungamili Nkomo

Umphathintambo obona ngokuthuthukiswa kwezabelo uMnu. Savior Kasukuwere semise njalo umsebenzi amakhansila ebandla leMDC-T alitshumi lanye eGweru.

Amakhansila la agoqela uMeya waleli dolobho uMnu. Hamutendi Kombayi.

UMnu Kasukuwere wayevele emise amakhansila la umsebenzi nyakenye ewethesa umlandu wokungethembeki lokwehluleka ukuqhuba kuhle umsebenzi.

Kodwa ebesekhangelelwe ukubuyela emsebenzini ngemva kwesinqumo somthethwandaba weHigh Court.

UMnu. Kasukuwere wayephikise isinqumo lesi emthethwandaba weSupreme Court, kodwa ngoMvulo ususe amaphepha akhe kulelidale.

Lokhu besokusitsho ukuthi amakhansila la besokumele abuyele emsebenzini.

Kodwa uKasukuwere umangalise abanengi ngoLwesibili lapho athumele amakhansila la incwadi ewazisa ukuthi akumelanga abuyele emsebenzini.

Le yinto esolwe kakhulu ngumsekeli wesikhulumeli seMDC-T uNkosazana Thabitha Khumalo.

“Siyakusola kakhulu lokhu njalo okwamanje sisakhulumisana lamagqwetha ethu ukuze sizwe ukuthi uKasukuwere uthethe leli nyathelo ngasizatho bani,” kutsho uMaKhumalo.

XS
SM
MD
LG