Ukudla eZimbabwe Kudula Ukwedlula Emazweni Wonke Omhlaba, Kutsho iWorld Bank

Ibhanga elikhulu lomhlaba eleWorld Bank lithi iZimbabwe yiyo elokudla okudula ukwedlula amazwe wonke omhlaba.

Kumbiko eliwethula kabili ngenyanga, lelibhanga lithi phakathi kwamazwe alitshumi eliwahlolayo iZimbabwe yiyo ekhokhelayo ngentengo zokudla ezikhwele ngesilinganiso sokungamatshumi phose amane ekhulwini, 37, percent nyenganya edluleyo nxa kuqathaniswa lesikhathi sinye nyakenye.

I-Argentina, eyiyo ebikhokhela okwesikhathi eside, isihlezi kuzinga lesibili, ilandelwa yiPalestine, Egypt, Vietnam, Mauritius, Nigeria, Bahrain, Guinea leParaguay.

Umbiko weWorld Bank uza ngesikhathi uzulu weZimbabwe ekhala ngokuthi ukudula kwezinto kwenza impilo yakhe ibe lukhuni ngamandla ngoba evele ehlaselwe yindlala ebangelwe yikungani kuhle kwezulu.

Uza njalo lapho uhulumende esanda kwethula imali entsha ebizwa ngokuthi yiZimbabwe Gold kumbe ZiG, yona athi ilohlonzi.

Umkhokheli wenhlanganiso emela abathengi eyeNational Consumer Rights Association uMnu Effie Dlela Ncube utshele iStudio 7 ukuthi ukukhuphuka kwentengo yezinto eZimbabwe sokuyinsakavukela.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:30 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala