amalinks wokungena

Breaking News

Sezilungisela Ukutshengisela Izizalwane zeZimbabwe Ezingafuni Ama Bond Notes


Zimbabwe Riots
Zimbabwe Riots

Inhlanganiso ezitshiyeneyo ezigoqela eye Tajamuka-Sesijikile Campaign, ibandla leMDC elikhokhelwa nguMnu. Morgan Tsvangirai leZimbabwe People First ekhokhelwa nguNkosikazi Joice Mujuru zikhangelelwe ukuthi zizatshengisela eZimbabwe Grounds kusasa zikhonona ngokwethulwa kohlelo lwemali yohlobo lwama bond notes.

UMnu. Obert Gutu, isikhulumeli sebandla leMDC-T, uthe bafuna ukuthi uhulumende abekwazi ukuthi kabayifuni imali le eyethulelwe uzulu izolo.

UMnu. Ostallos Siziba, olilunga leTajamuka-Sesijikile Campaign, utshele iStudio 7 ukuthi bafuna uMnu. John Mangudya, usibalukhulu webhanga elikhulu lelizwe eleReserve Bank of Zimbabwe, atshiye umsebenzi njalo lohulumende alungise konke okuhluphayo elizweni.

“Njengokutsho kwethu sizabe sitshengisela kusasa ezitaladini sikhonona ngemali le yama bond notes. Sazame kakhulu ukukhulumisana lohulumende kwehlula ngakho-ke sisifuna ukubatshengisa ukuthi kubi lokhu abakwenzayo.

Ingxoxo Esiyenze LoMnu. Ostallos Siziba
please wait

No media source currently available

0:00 0:01:14 0:00
Lapho esitholakala khona

Siphinde saxoxa loMnu. Japhet Moyo, unobhala jikelele wenhlanganiso yezisebenzi eye ZCTU, othe amalunga enhlanganiso le akhangelelwe ukuthi lawo azatshengisela ezitaladini kusasa.

UMoyo ugcizelele esithi ukutshengisela kwamalunga wonke awe ZCTU kuzakwenziwa ngoLwesihlanu loba nje amapholisa engavumi ukuthi bakwenze lokhu.

“Sibona engani amalunga ethu azangena lawo ezitaladini loba owethu umkhosi waloludaba uzakwenziwa ngoLwesihlanu. Abantu kabayifuni imali yama bond notes njengoba besesaba ukuthi bazalahlekelwa yimali yabo abayihola ingama dola eMelika.”

Ingxoxo Esiyenze LoMnu. Japhet Moyo
please wait

No media source currently available

0:00 0:01:17 0:00
Lapho esitholakala khona

Ukutshengisela lokhu sokucaphule ibandla elibusayo elithi abantu laba bazama ukususa ibandla leZanu PF loMongameli Robert Mugabe esikhundleni ngodlame.

UMnu. Joseph Tshuma, omele iPelandaba-Mpopoma kudale lephalamende, uthe inhlanganiso lezi zifuna ukulwisana lohulumende hatshi ukutshengisela zikhonona ngemali yama bond notes.

“Zingqondo zamakhiwa … abantu abafuna ukusibulala abantu abenza into enjalo bedinga abanye ukuthi batshengisele bekhonona ngokwenziwa nguhulumende wethu. Kabafuni ukusibona sijabula.”

Ingxoxo Esiyenze LoMnu. Joseph Tshuma
please wait

No media source currently available

0:00 0:01:24 0:00
Lapho esitholakala khona

XS
SM
MD
LG