amalinks wokungena

Breaking News

U-Linda Masarira Walelwa Ukusa Udaba Lwakhe Edale leConstitutional Court


Abakade bephandle kwedale likaMantshi uLinda Masarira ethonisiswa
Abakade bephandle kwedale likaMantshi uLinda Masarira ethonisiswa

Idale likaMantshi eHarare lilahle isicelo samagqwetha womunye obotshwe ekutshengiseleni emkhankasweni wokukhonona ngesimo esiselizweni, uNkosazana Linda Masarira, sokukhwezwa kodaba lwakhe edale le Constituitional Court udaba lokugcinwa kwakhe engamiswanga phambi komthethwandaba, okwesikhathi eside.

Abazesekela uLinda Masarira
Abazesekela uLinda Masarira

Baze ngobunengi abantu ukuzosekela uNkosazana Linda Masarira, lapho emiswa phambi komthethwandaba kaMantshi ngoLwesibili eHarare.

Ukulahlwa kwesicelo sikaMasarira kucunule abemikhankaso ehlukeneyo, abaze sekela omunye wabo, bengasijabulelanga isinqumo sika Mantshi uStan Mambanje, sokwalela ukukhwezwa kwaloludaba edale laphezulu ele Constitutional Court.

Lokhu kungemva kokuba umtshutshisi uTafara Chirambira ethe asikho isizatho esiqinileyo sokuvumela ukukwezwa kwaloludaba eConstitutional Court.

Igqwetha lika Linda Masarira, uMnu. Kudzai Kadzere
Igqwetha lika Linda Masarira, uMnu. Kudzai Kadzere

UMasarira ummelwa nguKudzai Kadzere olilunga lenhlanganiso yamagqwetha alwela ilungelo loluntu eleZimbabwe Lawyers for Human Rights.

Kwabaze edale likaMantshi lamuhla, babalisa unkosikazi Evelyn Tachiwana, owenhlanganiso yeZWIPA obekhathazekile ngalempumela.

Ubelombono munye unobhala jikelele womkhankaso we Occupy Africa Unity Square, uCharles Nyoni, oke wasebenza loMasarira.

Umqondisi we Combined Harare Residents Association, umnumzana Mfundo Mlilo, laye ube khona kulumbuthano. Ethi le, yindlela yokwethusela abalomcabango wokuveza imbono yabo yokukhonona ukuba besabele khatshana.

Unkosazana Linda Masarira, labanye bakhe, babotshwe mhlaka 6 Ntulikazi, besetheswa umlandu wokubangela udlakela emkhankasweni wokutshengisela ngokungayi emsebenzini owe Total Shut Down.

U-Linda Masarira etshengisela eAfrica Unity Square
U-Linda Masarira etshengisela eAfrica Unity Square

Abanye bakhululiwe, ngemva kokuhlawula iBail, yena yedwa eqhubeka esalelwa kuthiwa elakho ukubaleka.

Baqhubeke behlabela abaze ukuzotshengisela usekelo lwabo ngesikhathi loludaba lusedale likaMantshi eMbare.

please wait

No media source currently available

0:00 0:04:12 0:00
Lapho esitholakala khona

XS
SM
MD
LG