amalinks wokungena

UGift Mbweti Udlale Wedlula Bonke kuPSL Ngoncwabakazi

  • Joseph Njanji

Gift Mbweti

Umgadli weqembu le Hwange uGift Mbweti, oleminyaka eyokuzalwa engamatshumi amabili lane, ukhethwe zintatheli zomdlalo wenguqu ukuba nguye umdlali odlale kuhle ngenyanga kaNcwabakazi ngemva kokuba elitshayele emambuleni ibhola waba nguye umgadli osehlohle kanengi kusigaba se Premier Soccer League.

Lumdlali osehlohle amagoli ayithoba minwe mbili, okulinani eselihlohlwe nguLeonard Tsipa ongumgadli weqembu le Caps United, uthi isifiso sakhe ngesokuba athathe isicoco sokuba ngumgadli ohlohle kanengi kulabanye ekupheleni kwesizini.

“Okwakhathesi akusikho ukuthi ukuba phezulu kwami kutsho ukuba sengithethe isicoco kodwa kuzamele ngibe leqiniso lokuba ngidlala ngokuzimisela ukuze ngithathe isicoco se Top Goal Scorer of the Year ekupheleni kwesizini.”

UMbweti uqale ukudlala ibhora ngesikhathi efunda esikolo se Chinotimba Primary School eVictoria Falls lapho azalelwe khona.

Gift Mbweti
Gift Mbweti

Uthi umbalisi wakhe eChinotimba uZibonele Ncube, kulezinsuku ongumqeqetshi weqembu le Amagagasi elidlala kusigaba se Southern Region Soccer League, nguye omkhuthaze ukuba adlale ibhora.

“Ibhola mina ngaqalisa ngisasemncane ngiseprimary ngisenza uGrade Five umqeqetshi wami kungu Zibonele Ncube owayengifundisa eChinotimba Primary. Nguye umuntu owangikhuthaza engiphathisa ngezikhabiso njalo efika lasendlini ezokhulumisana labadala.”

Iqembu le Hwange limthethe lumdlali ngomnyaka ka 2012 ngemva kokumbona edlala kuqembu le Zambezi Lions ebelidlala kusigaba sika Division One.

Akenelisanga ukuhle afike adlale kuqembu elidlala kuPSL kodwa udlale kuqembu le Hwange Juniors elidlala kusigaba sika Division One.

Nyakenye uMbweti uqale ukudlala kuqembu leHwange elidlala kusigaba se PSL loba nje engazange adlale imidlalo eminengi.

Lonyaka ke uliphiwe ithuba lokuba etshengise ithalenta lakhe waqala ukutshaya eziwayo njalo uthi ukhangelele ukuhlohla ama goli ayedlula isithupha emidlalweni eseleyo.

“Kathesi emidlalweni le eseleyo kuzamele ukuthi nxa ngisithi ngehlulekile ukuhlohla ngilwise ukuba ngihlohle kasikisi.”

Amaqembu ambalwa adlala kusigaba se PSL abikwa esemqwethela uGift Mbweti ikanti abanye ngabakhalela ukuba ngabe uyabizwa kuqembu lesizwe kodwa yena uthi akasoze azinake lezonkulumo ngoba zingamenza acine ekhula ngekhanda.

XS
SM
MD
LG