amalinks wokungena

Breaking News

Umhlangano Wokuhlaziya Ukuvikelwa Kokumemetheka KweHIV Uqala eDurban, SA


Umhlangano we HIV/Aids eDurban.
Umhlangano we HIV/Aids eDurban.

Umhlangano womhlaba jikelele omayelana lokulwiswa kwegciwane lengculaza elibangela i AIDS, uqalile ngoMvulo eDurban kweleSouth Africa, kulokutshengisela okukhulu kwalabo abafuna ohulumende bathathe amanyathelo abanzi ekulwiseni lumkhuhlane. Izizalwane zeZimbabwe lazo zithi zivumelana lalokhu kutshengisela kanti zikhuthaza uhulumende ukuthi afake imali enengi enhlelweni zokulwisa lo umkhuhlane ukuze kufezwe injongo ze United Nations zokuwuqeda kusiyaphela u2030.

Akufanelanga kuphinde kwenzeke ukuthi abantu befe ngenxa yokuthi imithi yokwelapha iyadula kakhulu.’ La yiwo amazwi asemqoka equla lezinkulungwane

zabantu abebetshengisela eAlbert Luthuli International Convention Centre eDurban ngelanga lakuqala lomhlangano wamalanga amahlanu owe International World Aids Conference 2016.

Kulamanxusa edlula izinkulungwane ezilitshumi lasitshiyagalombili angena lo umhlangano, kukhandwa amacebo okulwisa ngcono umkhuhlane wengculaza.

Kodwake abebetshengisela laba abagoqela inhlanganiso ye Alianza LAC, engumanyano owaziwa umhlaba jikelele ekulweleni ukuthi imithi yokwelapha itholakale lula, bakhuthaze amanxusa akulo umhlangano ukuthi kikho konke okuxoxwayo kuqakathekiswe ukutholakala lula kwemithi yokwelapha.

Unkosazana Moreblessing Tembo yisizalwane seZimbabwe esisekela ukutshengisela lokhu.

These days kukhanya lamaphilisi awasekho futhi lokuba khona. So abantu bathwele nzima uyabona amafamilies abantu bathwele nzima. Kulezintandabe ezatshiywa ngabazali zisele labogogo and akumuntu obafidayo. Ngesituation le esilayo ekhaya sokunzima sterek. Uyehluleka ukuyathenga ama ARVs assize abantu. Ilizwe lethu vele lona seliwonakele.Abebetshengisela laba bakhuthaze unobhala jikelele wenhlanganiso ye United Nations umnumnzana Banki Moon, ukuthi aqinisekise ukuthi indingeko zomphakathi ziyaqakathekiswa okwedlula lezo ezamankampani alungisa imithi yokwelapha.

Lobanje abebetshengisela laba besemukela ukuthi kunengi osekwenziwe ngohulumende emizameni yokuthi kube lula ukutholakala kwamaphilizi ehlisa ubunengi begciwane lengculaza emzimbeni, ama anti-retroviral, bathi ukudula kwemithi yokwelapha ezinye izifo ezibangelwa ligciwane lengculaza ezifana leminye imihlobo yemvukuzane, iTB leminye sekubangele imfa lokuhlupheka okukhulu.

Isizalwane seZimbabwe umnumnzana Ngqabutho mabhena uthi ukhangelele ukuthi abamele uhulumende weZimbabwe kulo umhlangano bangakhulumi kuphelele eDurban kodwa kuyekwenziwa konke okuzavunyelwana kulo umhlangano.

Kutsho uMabhena: :Umuntu angaze abe lamaphilisi kodwa nxa engelakudla akuncedi ngalutho ngoba nxa unatha amaphilisi kumele uqale udle. Kumele udle ekuseni, udle emini, udle ntambama. Kulabantu abanengi eZimbabwe abalala bengadlanga kube nzima ukuthi abantu banathe amaphilizi lawo."

Abangena umhlangano walonyaka bagoqela abamela ohulumende, ingcitshi, osoSayensi, abacwaningi labalwela amalungelo abaphila legciwane elibangela ingculaza.

Abebetshengisela bonake bathi ngokucula ingoma ezinje.

Lokwethula amazwi anje.Kabathandabuzi ukuthi izililo zabo zizwakele.

please wait

No media source currently available

0:00 0:03:58 0:00
Lapho esitholakala khona

XS
SM
MD
LG