amalinks wokungena

Hage G. Geingob: Kumele Isuswe Imigoqo Yama VISA eZimbabwe leNamibia


UMongameli weNamibia, uMnu. Hage G. Geingob.

Umbukiso wezamabhizimusi uvulwe okusemthethweni ngoLwesihlanu nguMongameli weNamibia, uDr. Hage Geingob, okhuthaze ukuthengiselana kwelizwe lakhe lele Zimbabwe ngesikhathi umnotho welizwe umi nganxele amafekitali eqhubeka evalwa. UNompumelelo Moyo Usipha loludaba ngokugcweleyo ekoBulawayo.

Bengakayi vula umbukiso, uMongameli Mugabe loMongameli Geingob kunye lamakhosikazi abo baqale babuka amabhizimusi abukisayo lonyaka eZimbabwe International Trade Fair 2017.

Abantu abasembukiswe weZITF2017
Abantu abasembukiswe weZITF2017

​Evula okusemthethweni umbukiso weZITF 2017, uDokotela Geingob uthe kazange athandabuze ukuzovula umbukiso lo ngoba ukwala bekunzima ngenxa yobudlelwano bamazwe womabili obuphambili.

Uthe lonyaka izulu linile ngempela lamazwe eSouthern African Development Community wonke azayitshaya inala okuzakwenza leZimbabwe ibuyele ukubayisitsha sokudla samazwe ezansi yeAfrica.

Okwenzakale ngoLwesihlanu embukisweni we2017
Okwenzakale ngoLwesihlanu embukisweni we2017

Inkulungwane lenkulungwane zabantu ngoLwesihlanu ziqalile ukungena kumbukiso lo osulamatshumi amahlanu lasificaminwe mbili.

Umgcinisihlalo weZITF, uNkosikazi Ruth Ndlovu, ukhuthaze amankampani ukuba aqhubeke esiyabukisa embukisweni lo.

Uthe uyabonga usekelo lweNamibia lokhe baqala ngomnyaka ka1991 ukubukisa njalo abakaze bayeqise.

Okunye okwenzakale embukisweni weZITF2017
Okunye okwenzakale embukisweni weZITF2017

Kuthi ilizwe leSenegal lingene kulanga lesihlanu lilokhe lingabukisi ngoba lingavumelani lembadalo yogatsha olubona ngokuhlawulisa ngezokungena lokuphuma kwempahla eyeZimbabwe Revenue Authority.

Usomabhizimusi uMnu. Obert Sibanda uthe ngabe iZMRA iyasebenzelana labosomabhizimusi kuqale uhlelo ababelusebenzisa kudala lokuvumela kungelambhadalo osomabhizimusi ukungena lokuphuma kwempahla abazozibukisa ngaphansi kohlelo lwe ATACARNET.

Amaflegi eZimbabwe embukisweni weZimbabwe International Trade Fair
Amaflegi eZimbabwe embukisweni weZimbabwe International Trade Fair

Ngemva kokubhoda bebuka amabhizimusi, umongameli weNamibia uhlole ibutho leZimbabwe wathi eseqedile waseqhubela izicoco kumankampani anqobileyo lonyaka eZITF 2017.

Imitshina yokuzilibazisa, evame ukujabulelwa ngabasakhulayo eyeLuna Park lonyaka ayifakwanga.

Inkomo lazo ziyabukiswa lonyaka eZimbabwe International Trade Fair.
Inkomo lazo ziyabukiswa lonyaka eZimbabwe International Trade Fair.

​Ibandla leZANU-PF liyabukisa lalo kuHall 5.

Umongameli weNamibia uthe kathokozi ngesilinganiso sokuthengiselana phakathi kweZimbabwe lelizwe lakhe wathi kumele kukhuphuke.

Uphinde wathi bakhangelele ukwesula umthetho wokuthi umuntu owethekelela ilizwe lakhe aqale athole iVISA esithi kuziphathamandla zikahulumende lamalunga edale lephalamende abalama passport abomvu sebengena ezweni lakhe bengadingi iVISA. Uthe abantu makhaza bazatholiswa amavisa ngesikhathi bengena ezweni lakhe.

Facebook Forum

XS
SM
MD
LG