amalinks wokungena

Umthombo Wegazi Ubikwa Susitsha

  • Ntungamili Nkomo

Inhlanganiso ebona ngokulondolozwa komthombo wegazi ithi ukwanda kwenani labantu abalimalela engozini zomgwaqo sokubangele ukuthi igazi eligciniweyo lehle kakhulu.

INational Blood Services (NBS) ithi selokhu kuqale ikhefu lekhisimusi, isilinganiso segazi elifunwa yizibhedlela sikhwelile kakhulu njalo ithi isalelwe ligazi elingasetshenziswa phakathi kwamalanga ayisikhombisa kuophela.

Sokulimale abantu abangamakhulu ayisikhombisa lamatshumi ayithobaminwemibili lathobaminwemibili, 788, engozini zomgwaqo kusukela mhlaka15 kuyonale inyanga.

Asebefile engozini zomgwanqo bona sebefike kukhulu lamatshumi amahlanu, 150.

Abanengi abalimalela engozini lezi basuke balahlekelwe ligazi elinengi kakhulu okwenza kudingeke ukuthi bafakwe igazi emizimbeni nxa bethe bahanjiswa ezibhedlela.

Abanye ngabophayo umuntu acine esifa ngokulahlekelwa ligazi elinengi.

Isiphathamandla seNational Blood Services eMatabeleland uMnu Mfundo Ngwenya uthi inhlanganiso yakhe iphakathi kokudinga igazi ukuze kusizwe abalidingayo ezibhedlela.

UNgwenya ukhuthaze uzulu kungxoxo ayenze leStudio 7 ukuthi kumele aphatheke kuhlelo lokupha igazi.
XS
SM
MD
LG