amalinks wokungena

Breaking News

Umongameli Mugabe: Ngizaqhubeka Ngibusa Angiyindawo


Umongameli Robert Mugabe emhlanganweni labalwa impi yenkululeko
Umongameli Robert Mugabe emhlanganweni labalwa impi yenkululeko

Umongameli Robert Mugabe utshele abanye babalwa impi yenkululeko ukuthi uzaqhubeka ebusa lanxa amazwi abantu abahlaba umkhosi wokuthi asuke esikhundleni asesiba manengi, umsindo wankona usuzwakala lokhu uqonga wokuthi inking ezibhekane lelizwe kasenelisi ukuzilungisisa.

Emhlanganweni kaMugabe labalwa impi yenkululeko
Emhlanganweni kaMugabe labalwa impi yenkululeko

Ekhuluma emhlanganweni labanye babalwa impi yenkululeko laba esigodlweni sebandla lakhe leZanu PF, uMugabe ugcizelele ukuthi akayi ndawo njalo uzakhokhela aze ayekufa.

Abaze emhlanganweni wangoLwesithathu, liqembu labalwa impi yenkululeko abakhokhelwa ngumnumzana Mandi Chimene umpathintambo obona ngendaba zasesigabeni seManicaland abalombono owehluke lelikhokhelwa ngumnumzana Chris Mutsvangwa elithe ngeviki edluleyo selifuna asuke embusweni uMugabe.

Abalwa impi yenkululeko.
Abalwa impi yenkululeko.

Umnumzana Trust Nhubu osebenzelana labasakhulayo uthi umhlangano lo utshengisa obala ukuba iZanu PF isiphelelwe ngumphako njalo selizama ukubamba ngamandla abalwa impi yenkululeko ukuba baqhubeke belisekela.

Ocubungula ezombusazwe umnumzana Rejoice Ngwenya uthi leliliqiniso sibili njalo kusobala ukuba lelibandla lizama ukusebenzisa indlela yokuxabanisa abalwa impi yenkululeko ukuba bangami ngalizwi linye.

U-Ngwenya uthi yonke le yimizamo engasoke yethusele abantu abafana labalwa impi yenkululeko.

Umnumzana Masimba Kuchera ocubungula ezombusazwe uthi kusobala ukuba uMugabe usesethuswa ngokwenzakalayo elizweni esengoba njengomuntu ozama ukuvala izikhala amagabha esevuza okungalungisekiyo.

Uthi kuphuma obala ngoba esegijigijima ecothoza bonke ayesebenza laye labakubandla lakhe njengabathengisi bangavele bakhulume imbono ehlukile kuleyakhe.

Abalwa impi yenkululeko.
Abalwa impi yenkululeko.

Lokhu ayisikho okwakuqala ukuba Umongameli Mugabe oyi patron wenhlanganiso yeWar Veterans Association ehlangane labalwa impi yenkululeko.

Phansi kwenkokheli kamuyi UChenjerai Hunzwi kwake kwaba lokufuthelana okunje batshengisela befuna ukuhlawulwa inkulungwane ezingamatshumi amahlanu zamadollar-$50,000 bathelwa ngentuthu ehitshayo waphinda wahlangana labo lonyaka bekhokhelwa nguMutsvangwa ngemva kokuzama ukubamba umhlangano wabo eCity Sports Centre bathelwa njalo nge tear gas ngamapholisa.

Ingcwethi kwezombusazwe zithi laloba uMugabe angaze athathe waphi amanyathelo okwenzakala elizweni okwamanje sokumkhulela njalo engasoze wafa wavala umkhosi osuhlatshwa nguye wonke umuntu elizweni esindwa yisimo esikhona esingasaphileki.

please wait

No media source currently available

0:00 0:05:44 0:00
Lapho esitholakala khona

XS
SM
MD
LG